19025. L-ONOR. CARMELO MIFSUD BONNICI staqsa lill- Ministru għall-Affarijiet Barranin u Ewropej: Jista’ l-Ministru jgħid kemm-il talba rċieva d-Direttorat tal-Protokoll sabiex bastimenti militari jew statali jidħlu f’pajjiżna fl-2020?
08/02/2021
ONOR. EVARIST BARTOLO: Ninsab infurmat li d-Direttorat
tal-Protokoll rċieva sitta u għoxrin (26) talba sabiex bastimenti militari jew
statali jidħlu f’pajjiżna fl-2020.
Seduta 430
19024. L-ONOR.
CARMELO MIFSUD BONNICI staqsa lill-
Ministru għall-Affarijiet Barranin u Ewropej: Jista’ l-Ministru jgħid kemm-il
talba rċieva d-Direttorat tal-Protokoll sabiex ajruplani militari jew statali
jinżlu f’pajjiżna u kemm-il darba saret talba sabiex jidħlu fl-ispazju tal-arja
tagħna tul l-2020?
08/02/2021
ONOR. EVARIST BARTOLO: Ninsab infurmat li tul l-2020 id-Direttorat
tal-Protokoll irċieva 122 talba sabiex ajruplani militari jew statali jinżlu
Malta. Id-Direttorat irċieva wkoll 297 talba sabiex ajruplani militari jew
statali jidħlu fl-ispazju tal-ajru ta’ Malta.
Seduta 430
22/02/2021
19359. L-ONOR. CARMELO MIFSUD BONNICI staqsa lill-Ministru għall-Finanzi u x-Xogħol: Jista’ l-Ministru jgħid f’liema sena l-Air Malta bdiet it-titjiriet lejn Lourdes u jistax jiġi indikat kemm użaw is-servizz sena b’sena possibbilment ukoll kemm scheduled u kemm chartered?
19/02/2021
ONOR. CLYDE
CARUANA: Ninforma lill-Onorevoli Interpellant illi l-Air Malta
bdiet it-titjiriet lejn Lourdes fl-1988.
L-informazzjoni li għanda l_Air Malta hija ta’ dawn l-aħħar 13-il sena, mill-1 ta’ April sal-31 ta’ Marzu ta’ kull
Financial Year.
MALTA-LOURDES-MALTA
|
Financial
years |
Flight |
|
|
|
|
FY2019/20 |
Charter/Schedule |
|
FY2018/19 |
Charter/Schedule |
|
FY 2017/18 |
Charter |
|
FY 2016/17 |
Charter |
|
FY 2015/16 |
Charter |
|
FY 2014/15 |
Charter |
|
FY 2013/14 |
Charter |
|
FY 2012/13 |
Charter |
|
FY 2011/12 |
Charter |
|
FY2010/11 |
Charter |
|
FY 2009/10 |
Charter |
|
FY 2008/09 |
Charter |
|
FY 2007/08 |
Charter |
Seduta 431
23/02/2021
19358. L-ONOR. CARMELO MIFSUD BONNICI staqsa lill-Ministru għall-Finanzi u x-Xogħol: Jista’ l-Ministru jgħid jekk ir-ristrutturazzjoni tal-programm ta’ titjiriet tal-Air Malta għal din s-sena daħletx u ġietx inkluża d-destinazzjoni lejn Lourdes u lura? Jekk iva dawn ser ikunu scheduled jew charteredflights? Kif ukoll jista’ jgħid f’liema perjodu se jiġu skedati u organizzati, meta u x’ħin, u kemm ser ikun maħsub li jġorru passiġġieri?
19/02/2021
ONOR. CLYDE
CARUANA: Ninforma lill-Onorevoli Interpellant illi
r-ristrutturazzjoni tal-programm tat-titjiriet bdiet tiġi implimentata din is-sena, imma
għadhama daħlitx fis-seħħ kompletament għax l-istudju f’dan ir-rigward
għadu għaddej.
Barra minn hekk, irridu niftakru
li din is-sena (u s-sena li għaddiet) huma snin bla preċedentminħabba l-pandemija, li fihom
inqalbu l- użanzi kollha tal-ivvjaġġar ta’ taht fuq!
Seduta 431
23/02/2021
1. L-emerġenzi li l-pandemija ġiebet magħha ser iwasslu wkoll, neċessarjament, għal numru ta’ riformi. Bidliet li jistgħu jitwieldu biss, u fit-triq tal-proċess ta’ neċessità, u jistgħu jkunu aqwa jekk ippjanati tajjeb. Kemm dan qiegħed isir f’pajjiżna, għad irridu naraw. Il-politika preżenti tal-Gvern tindika esternament li hija iktar indirizzata lejn li nkunu lura għal dak li konna. Imma r-realtà ser tkun waħda differenti, u nafu. Nagħrfu li hemm żewġ passi ta’ identifikazzjoni: l-ewwel ta’ fejn iridu jsiru l-bidliet; u t-tieni, ta’ x’għandhom ikunu fil-kontenut dawk li jagħtu direzzjonijiet ġodda. Hemm forzi ta’ konservazzjoni li qed iżommu lura progress li ser jitlob minna ferm iktar li jsir.
Influwenzi
2. Għandu raġun il-politiku Demokristjan Taljan Bruno Tabacci, li
riċentement kiteb li Mario Draghi għandu ħafna sens politiku. Il-persuna li tul dawn l-aħħar ġimgħat
ifforma gvern ġdid fl-Italja, u li ġieb ukoll l-approvazzjoni tas-Senat u
l-Parlament, huwa veteran. Ta’ erbgħa u
sebgħin sena ntagħżel biex f’mument ta’ emerġenza jċaqlaq il-pajjiż lejn
proċess ta’ riformi. Dak li ser isir
f’dak il-poplu tul is-snin li ġejjin jimmerita attenzjoni għax ser ikun ta’
influwenza fuqna. Tajjeb li naraw dak li
beda għaddej. Tajjeb iktar li nifhmu
lejn fejn ser jinvestu u fejn ser jagħtu l-impenn tagħhom. Ma’ dan, ċertament aktar fejn ser ikun hemm
bidliet wara l-emerġenza.
Valuri
3. Draghi jirrappreżenta ideat ċari.
Valuri li mhumiex bażati fuq il-kunċett li l-bniedem huwa biss għodda
ekonomika. Viżjoni li ma tħarisx lejn
il-persuna umana bħala individwu li huwa suġġett għall-poter tal-flus jew
tal-iżvilupp industrijali. Meta tisma’
dak li jgħid u taqra dak li jikteb tinduna li fil-kunċetti tiegħu huwa iktar
personalista milli f’ ‘l hekk imsejjaħ ‘ekonomiżmu’. Huwa iktar bażat fuq il-prekonċett li wieħed
irid jirrispetta l-oriġinalità ta’ kull bniedem. Il-kreattività tiegħu, l-ideat partikolari
tiegħu. L-għarfien li kull persuna
twieldet bi skop u għandu jkollha soċjetà li tassiguralha l-libertà li twettaq
dan. Mhux waħda formali, imma
direttament parteċipattiva. Mhux waħda
li twassal għall-egoiżmu, diviżjoni, iżolament lejn forma ta’ kompetizzjoni ta’
kull persuna kontra l-oħra. Imma, aqwa
minn hekk, hemm viżjoni li tħares li tipproteġi u tassigura żvilupp. Li tipproteġi, fil-miżuri li jittieħdu,
valuri sodi u fundamentali li servewna fis-sekli.
Diskors
4. Dan għalina għandu jkollu iktar rilevanza. Għax huwa persuna ffurmata u mbaskta
f’esperjenza umana u ekonomika twila.
Il-pariri tiegħu ntalbu minn diversi mexxejja, kif inhuwa magħruf. U jrid jingħad li f’dawn l-aħħar snin, kien
fattur determinanti ta’ stabilità fl-Unjoni Ewropea. Dan huwa iktar rilevanti għalina llum. Dan iktar fil-kuntest li ż-żewġ pajjiżi
għandhom l-istrateġija medika tagħhom.
Hemm, bażikament, l-istess direzzjoni.
Il-bżonn li kull ċittadin jingħata t-tilqima neċessarja, u malajr. Din issa hija prijorità nazzjonali
komuni. Imma, wara, hemm iktar. Dan għax il-proċessi li jwasslu lejn
it-tkattir tal-ġid komuni u tal-iżvilupp soċjali u kulturali futur jiddependi
minn kemm dan kollu ser isir tajjeb.
Jiddependi mill-pjan li għandu jsir issa. Jiddependi fuq il-linji ta’ strateġija li
jridu jiġu meħuda. U dawk li setgħu
jisimgħu lil Mario Draghi tul il-ġimgħa jindirizza liż-żewġ Kmamar fehmu li
għandu ideat ċari fuq dan. Mhux biss,
imma li beda l-proċess sabiex il-maġġoranza qawwija tal-forzi politiċi
jingħaqdu biex iqegħdu l-pedamenti tal-bidla maqbula.
Next Generation EU
5. Mertu tal-esperjenza li ġabar tul dawn is-snin jaf aħjar fejn
wieħed għandu jinvesti mill-fondi tal-Unjoni Ewropea. Li jsir dak kollu possibbli mingħajr ma wieħed
jitlef iktar ħin sabiex il-ġenerazzjonijiet li ġejjin ikollhom opportunitajiet
iktar aħjar. Fl-għarfien li l-pajjiż
għandu ħafna potenzjal, kif iddikjara: “Siamo una grande potenza economica e
culturale”, jista’ jħares ‘il quddiem.
Iħares lejn demokrazija iktar soda u li hija rappreżentattiva
tal-poplu. Waħda li tifhem iktar
il-problemi soċjali li l-pajjiż qiegħed imiss magħhom illum u dawk li ser ikun
hemm fis-snin li ġejjin. Pajjiżna għandu
wkoll jappreza li jiddependi indirettament fuq kemm dan ser isir tajjeb
minnhom. Jifhem ukoll fejn ser jonfqu
“flus l-Ewropa”, biex jara jekk jistax jieħu iktar valur fl-infiq tiegħu, ta’
dak li għandu għad-dispożizzjoni tiegħu.
Konverġenza
6. Hemm f’dan ukoll lezzjoni politika fil-bżonn ta’
konverġenza. Dak li tressaq bħala forma
ta’ ‘falliment politiku’ qiegħed jirriżulta f’linja kompletament opposta. Il-ħsieb li l-pajjiż qiegħed f’tant
diffikultà, “emerġenza”, wassal sabiex jerġa’ jkun hemm il-proċess li l-Italja rat
wara l-aħħar Gwerra Dinjija. Wieħed li
iktar ma jgħaddi ż-żmien, iktar wieħed jirrealizza li l-ħsara saret
min-Nażi-Faxxiżmu għadha żżomm lura diversi soċjetajiet. Dak li ntefaq fi proċess ta’ distruzzjoni
huwa rriversibbli. Biss, il-bniedem
irid, fil-kreattività tiegħu, jipprova jibni mill-ġdid. Proprju għalhekk li qed naraw mill-ġdid
partiti b’ideat li huma irrikonċiljabbli jaslu biex jiftehmu fuq programm ta’
ħidma futura.
Pajjiżna
7. Fil-programm Draghi, fost id-diversi oħrajn ninnutaw li t-Turiżmu
qiegħed jingħata mill-ġdid prijorità nazzjonali. Pass li jitlob riflessjoni ikbar
mingħandna. Għax jekk pajjiż sinjur
fl-arti u l-kultura qiegħed jara l-bżonn li jaħseb mill-ġdid fuq kif ser jaħdem
is-settur turistiku, aktar u aktar għandna aħna nwettqu dan. Proprju għalhekk li għandna nifhmu iktar kemm
fit-tkabbir futur, fid-dimensjonijiet tiegħu ser jiddependi ħafna minna
f’daqqa. L-Gvern qiegħed jagħddi
bil-ħsieb li m’għandux bżonn jikkonsulta, jew jaqbel mal-Oppożizzjoni. Hemm l-iżvilupp kontinwu u konservattiv, fejn
kull parti qegħda tindika dak li taħseb, bil-konsegwenza li dak li jgħid
il-partit fil-poter irid jiġi mplimentat mingħajr djalogu. Dan jista’ jkollu xi forma ta’ vantaġġ
politiku partiġġjan preżenti, imma ċertament mhux wieħed nazzjonali. Pajjiżna għandu bżonn miżuri ta’ riforma.
Opportunità
8. Għandu bżonn iktar li l-prinċipji li jiggwidawh, fihom ikunu
marbuta mal-affermazzjoni tal-bniedem.
Minflok qiegħed jitmexxa iktar lejn ideat strambi ta’
‘kapitaliżmu’. Dan huwa żbaljat. Pajjiżna għandu bżonn li jaffronta
l-emerġenza li għandu quddiemu billi jibni programm ta’ riformi li fihom ikun hemm
qbil politiku parlamentari. Li jkunu
miftuħa fi proċess ta’ diskussjoni nazzjonali.
Jekk dan jibqa’ ma jsirx, din tkun okkażjoni mitlufa, u jista’ jkun
ukoll li jkun diffiċli ħafna li tirkupraha lura iktar ‘il quddiem. Ir-realtà soċjali ekonomika u politika hemm
hija. Kemm aħna kapaċi nifhmuha hija
ħaġa oħra. Ċertament, però, għandna
bżonn numru ta’ riformi li jridu jsiru.
19005. L-ONOR. CARMELO MIFSUD BONNICI staqsa lill-Ministru għat-Trasport, l-Infrastruttura
u l-Proġetti Kapitali: Jista’ l-Ministru jgħid kemm se ddum biex titlesta Triq
Paola, Ħal Tarxien? X’xogħlijiet se jsiru?
08/02/2021
ONOR. IAN
BORG: Fl-2020, Infrastructure Malta bniet mill-ġdid mal-155 triq residenzjali
madwar Malta, jiġifieri medja ta’ tliet toroq kull ġimgħa. B’hekk, minn meta
lejn l-aħħar ta’ Jannar tal-2019 tat bidu għall-programm t’investiment ta’ €700
miljun biex ittejjeb il-kwalità tat-toroq residenzjali fil-pajjiż, l-aġenzija
bniet mill-ġdid mal-285 triq residenzjali biex eluf ta’ familji li joqogħdu
f’dawn it-toroq qegħdin igawdu minn ambjent aħjar barra minn djarhom.
Bħalissa għaddejjin
xogħlijiet f’madwar 50 triq residenzjali oħra fosthom Triq Paola f’Ħal Tarxien
li hi twila mhux ħażin, tant li din tibda minn ħdejn il-Knisja Parrokkjali u
tmiss ma’ Triq Ħal Tarxien fid-direzzjoni lejn Raħal Ġdid. Ix-xogħlijiet f’din
it-triq bdew fit-tieni ġimgħa ta’ Jannar u jinkludu bdil tal-pajpijiet
tal-ilma, servizzi ġodda għall-ilma u telekomunikazzjoni, bini ta’ bankini
ġodda fuq iż-żewġ naħat tat-triq qabel ma jissaħħew il-pedamenti u jsir wiċċ
ġdid b’diversi saffi t’asfalt. Fl-istess triq bħalissa għaddej ukoll xogħol
minn entità oħra, li qed jiġi kkordinat biex isir waqt il-bini mill-ġdid
tat-triq biex jonqos l-inkonvenjent lir-resident. Ix-xogħol kollu mistenni li
jkun lest fix-xhur li ġejjin.
Fil-lokalità ta’ Ħal Tarxien,
Infrastructure Malta diġà bniet mill-ġdid Triq Santa Marija, Triq iż-Żejtun,
Triq is-Sorijiet u Triq Marjanu Gerada waqt li diġà hemm ippjanati biex isiru
toroq residenzjali oħrajn. Dan l-investiment biex titjieb il-kwalità tat-toroq
residenzjali se jissokta fis-sitt snin li ġejjin bil-bini mill-ġdid t’aktar
toroq fil-lokalitajiet madwar Malta.
Fis-sentjen li għaddew,
Infrastructure Malta għamlet ukoll xogħlijiet f’aktar minn 230 triq rurali.
Għaldaqstant, fil-ftit żmien kemm ilha li twaqqfet, l-aġenzija diġà bniet
mill-ġdid u għamlet titjib f’aktar minn 500 triq mifruxin fil-lokalitajiet
kollha madwar il-pajjiż, u dan apparti xogħlijet ta’ tiswijiet f’għexieren ta’
toroq oħrajn u l-bini ta’ proġetti kbar li qegħdin jinbnew fit-toroq arterjali.
Seduta 427
15/02/2021
19006. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u l-Gvern Lokali: Jista’ l-Ministru jgħid kemm se ddum biex titlesta Triq Paola, Ħal Tarxien? X’xogħlijiet se jsiru?
08/02/2021
ONOR. JOSÈ
HERRERA: Ninforma lill-Onorevoli Interpellant li ninsab
infurmat miIl-Kunsill Lokali ta’ Ħal Tarxien li dawn ix-xogħlijiet qed isiru
minn Infrastructure Malta. Għaldaqstant, nitlob lill-Onor. Interpellant
iressaq il-Mistoqsija tiegħu lill-Ministru kkonċernat.
Seduta 427
15/02/2021
19007. L-ONOR. CARMELO MIFSUD BONNICI staqsa lill-Ministru għat-Trasport, l-Infrastruttura u l-Proġetti Kapitali: Jista’ l-Ministru jgħid x’xogħlijiet se jsiru fi Triq Birżebbuġia, Ħal Tarxien?
08/02/2021
ONOR. IAN
BORG: Nitlob lill-Onorevoli Interpellant biex jitlob l-informazzjoni meħtiega
lill-Ministeru ikkonċernat.
Seduta 427
15/02/2021
19008. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u l-Gvern Lokali: Jista’ l-Ministru jgħid x’xogħlijiet se jsiru fi Triq Birżebbuġia, Ħal Tarxien?
08/02/2021
ONOR. JOSÈ
HERRERA: Ninforma lill-Onor. Interpellant li ninsab infurmat
miIl-Kunsill Lokali ta’ Ħal Tarxien li dawn ix-xogħlijiet ser isiru minn Infrastructure Malta. Għaldaqstant, nitlob lill-Onor. Interpellant
iressaq il-mistoqsija tiegħu lill-Ministru kkonċernat.
Seduta 427
15/02/2021
19009. L-ONOR. CARMELO MIFSUD BONNICI staqsa lill-Ministru għall-Enerġija, l-Intrapriża u l-Iżvilupp Sostenibbli: B’referenza għall-mistoqsija parlamentari 18315, invista tal-fatt li kien hemm inċidenti simili fis-substation Gudja Olive fil-passat reċenti, tista’ l-Ministru tikkonsidra li din is-substation tiġi rilokata?
08/02/2021
ONOR. MIRIAM
DALLI: Ninforma lill-Onor. Interpellant li ma kien hemm
l-ebda inċidenti oħra simili fis-substation
Gudja Olive.
Seduta 427
15/02/2021
19010. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u l-Gvern Lokali: B’referenza għat-tweġiba tal-mistoqsija parlamentari 18316, jista’ l-Ministru jgħid jekk ittieħdux passi biex il-batterija Rihana tiġi f’idejn il-Kunsill Lokali?
08/02/2021
ONOR. JOSÈ
HERRERA: Ninforma lill-Onor. Interpellant li ninsab infurmat
miIl-Kunsill Lokali ta’ Marsaskala li kien il-Kunsill stess li ħa d-deċiżjoni
li ma japplikax għad-devoluzzjoni tal-Batterija.
Seduta 427
15/02/2021
19016. L-ONOR. CARMELO MIFSUD BONNICI staqsa lill- Ministru għall-Affarijiet Barranin u Ewropej: Jista’ l-Ministru jgħid jekk is-sejħa riċenti għall-pożizzjoni ta’ Second Secretary fi ħdan il-Ministeru hiex differenti minn dawk preċedenti u jekk iva f’liema partijiet?
08/02/2021
ONOR. EVARIST
BARTOLO: Ninsab infurmat illi l-uniċi partijiet li huma
differenti f’din is-sejħa meta mqabbla ma dawk preċedenti huma fit-Termini u
Kundizzjonijiet, u fir-Rekwiżiti tal-Eliġibbilita’
Seduta 428
16/02/2021
19015. L-ONOR. CARMELO MIFSUD BONNICI staqsa lill- Ministru għas-Solidarjetà u l-Ġustizzja Soċjali, il-Familja u d-Drittijiet tat-Tfal: Jista’ l-Ministru jindika kemm persuni fil-Gudja bbenefikaw mill-In work benefit tul l-2020? Jista’ jindika kemm kienu nisa u kemm kienu rġiel u kemm tħallsu?
08/02/2021
ONOR. MICHAEL
FALZON: Ninforma lill-Onor. Interpellant li, l-informazzjoni
mitluba minnu hija kif indikata f’din it-tabella t’hawn taħt.
|
Gudja |
||
|
Sena 2020 |
Benefiċċjarji |
Nefqa |
|
Nisa |
12 |
€ 2,504.73 |
|
Irġiel |
16 |
€ 8,978.68 |
|
Total |
28 |
€ 11,483.41 |
Seduta 428
16/02/2021
19014. L-ONOR. CARMELO MIFSUD BONNICI staqsa lill-
Ministru għall-Affarijiet Barranin u Ewropej: Jista’ l-Ministru jgħid jekk
il-ftehim kollettiv li ġie ffirmat mal-Korp Diplomatiku fis-sena 2019 huwiex
jiġi implimentat fis-sħiħ jew le?
08/02/2021
ONOR. EVARIST
BARTOLO: Ninsab infurmat illi l-ftehim kollettiv li ġie
iffirmat mal-Korp Diplomatiku fl-2019 qed jiġi implementat fis-sħiħ.
Seduta 428
19013. L-ONOR. CARMELO MIFSUD BONNICI staqsa lill-
Ministru għas-Solidarjetà u l-Ġustizzja Soċjali, il-Familja u d-Drittijiet
tat-Tfal: Jista’ l-Ministru jindika kemm persuni f’Santa Luċija bbenefikaw
mill-in work benefit tul l-2020?
Jista’ jindika kemm kienu nisa u kemm kienu rġiel u kemm tħallsu?
08/02/2021
ONOR. MICHAEL
FALZON: Ninforma lill-Onor. Interpellant li, l-informazzjoni
mitluba minnu hija kif indikata f’din it-tabella t’hawn taħt.
|
Santa Luċija |
||
|
Sena 2020 |
Benefiċjarji |
Nefqa |
|
Nisa |
14 |
€ 18,097.88 |
|
Irġiel |
11 |
€ 9,043.26 |
|
Total |
25 |
€ 27,141.14 |
Seduta 428
19012. L-ONOR. CARMELO MIFSUD BONNICI staqsa lill- Ministru għall-Edukazzjoni: B’referenza għat-tweġiba tal-mistoqsija parlamentari 18185, tista’ l-Ministru tgħid liema bini ġdid tlesta fil-kumpless tal-MCAST tul is-sena li għaddiet? F’liema pożizzjoni jinsab il-proġett sħiħ u meta mistenni jiġi fi tmiemu?
08/02/2021
ONOR. JUSTYNE
CARUANA: Ngħarraf lill-Onorevoli interpellant li l-binja
tal-Istitut tal-Inġinerija u t-Trasport tlestiet fl-2019. Matul is-sena 2020,
tkompla x-xogħol relatat mal-binjiet tal-MRC u l-IICT. Madwar 65% tax-xogħol
relatat mal-binjiet issa lest. Huwa stmat li dawn il-binjiet jitlestew
sal-2022/2023.
Seduta 428
16/02/2021
19011. L-ONOR. CARMELO MIFSUD BONNICI staqsa lill-
Ministru għat-Trasport, l-Infrastruttura u l-Proġetti Kapitali: Jista’
l-Ministru jgħid jekk inbdewx il-proċeduri neċessarji sabiex il-Batterija
Rihana f’San Tumas tgħaddi għand il-Kunsill Lokali ta’ Wied il-Għajn?
08/02/2021
ONOR. IAN
BORG: Nitlob lill-Onorevoli Interpellant biex jitlob l-informazzjoni meħtiega
lill-Ministeru ikkonċernat.
Seduta 428
16/02/2021
19022. L-ONOR. CARMELO MIFSUD BONNICI staqsa lill- Ministru għas-Solidarjetà u l-Ġustizzja Soċjali, il-Familja u d-Drittijiet tat-Tfal: Jista’ l-Ministru jgħid kemm persuni kien hemm jaħdmu fl-Uffiċċju tas-Sigurtà Soċjali ġewwa l-Fgura? Jista’ jindika kemm persuni wżaw is-servizz tal-post tul is-sena 2020?
08/02/2021
ONOR. MICHAEL
FALZON: Ninforma lill-Onor. Interpellant li minħabba
l-pandemija tal-covid-19, l-Uffiċċju Distrettwali tal-Fgura bħal kull uffiċċju
distrettwali ieħor, kien miftuħ bil-ħinijiet normali sas-6 ta’ Marzu 2020,
filwaqt li kien qiegħed jopera b’servizz limitat sat-3 ta’ Lulju 2020, f’liema
perijodu l-uffiċċju kien magħluq għall-pubbliku, bħal kull uffiċċju
distrettwali ieħor.
Ngħarraf lill-Onor.
Interpellant li, mis-6 ta’ Lulju 2020, is-servizzi li kienu jingħataw mid-Dipartiment
tas-Sigurtà Soċjali, minn dan l-uffiċċju distrettwali u uffiċini distrettwali
oħra, bdew jingħataw minn uffiċjali ta’ Servizz.Gov.
Għaż-żmien li l-uffiċċju
tal-Fgura kien miftuħ għall-pubbliku, matul l-2020, sal-5 ta’ Lulju 2020
(sal-ġurnata li l-Uffiċini Distrettwali kienu jaqgħu taħt ir-responsabbilita’
tad-Dipartiment tas-Sigurta’ Soċjali), kien hemm 815-il persuna li wżaw
is-servizzi li kienu offruti permezz ta’ tliet (3) uffiċjali mid-Dipartiment
tas-Sigurtà Soċjali.
Seduta 429
17/02/2021
19021. L-ONOR. CARMELO MIFSUD BONNICI staqsa lill- Deputat Prim Ministru u Ministru għas-Saħħa: Jista’ d-Deputat Prim Ministru u Ministru għas-Saħħa jgħid kemm persuni ġew ammessi fl-Isptar Monte Karmeli tul l-2020 u jista’ jindika kemm kien hemm persuni rikoverati sal-aħħar tas-sena 2020?
08/02/2021
ONOR. CHRIS
FEARNE: Ninforma lill-Onorevoli Interpellant illi matul l-2020
kien hemm 1637 persuna li ġiet ammessa fl-isptar Monte Karmeli. Minn dawn kien
hemm 1461 persuna li ġiet discharged
u 1072 minnhom ma kellhomx bżonn aktar trattament mill-istess sptar.
Seduta 429
17/02/2021
19020. L-ONOR. CARMELO MIFSUD BONNICI staqsa lill-
Ministru għas-Solidarjetà u l-Ġustizzja Soċjali, il-Familja u d-Drittijiet
tat-Tfal: Jista’ l-Ministru jgħid kemm persuni kien hemm jaħdmu fl-Uffiċċju
tas-Sigurtà Soċjali ġewwa Raħal Ġdid? Jista’ jindika kemm persuni wżaw
is-servizz tal-post tul is-sena 2020?
08/02/2021
ONOR. MICHAEL
FALZON: Ninforma lill-Onor. Interpellant li, minħabba
l-pandemija tal-Covid-19, l-Uffiċċju Distrettwali ta’ Raħal Ġdid, bħal kull
uffiċċju distrettwali ieħor, kien miftuħ bil-ħinijiet normali sas-6 ta’ Marzu
2020, filwaqt li kien qiegħed jopera b’servizz limitat sat-3 ta’ Lulju 2020,
f’liema perijodu l-uffiċċju kien magħluq għall-pubbliku, bħal kull uffiċċju
distrettwali ieħor.
Ngħarraf lill-Onor.
Interpellant li, mis-6 ta’ Lulju 2020, is-servizzi li kienu jingħataw
mid-Dipartiment tas-Sigurtà Soċjali, minn dan l-uffiċċju distrettwali u
uffiċini distrettwali oħra, bdew jingħataw minn uffiċjali ta’ Servizz.Gov.
Għaż-żmien li l-uffiċċju ta’
Raħal Ġdid kien miftuħ għall-pubbliku, matul l-2020, sal-5 ta’ Lulju 2020
(sal-ġurnata li l-Uffiċini Distrettwali kienu jaqgħu taħt ir-responsabbilita’
tad-Dipartiment tas-Sigurta’ Soċjali), kien hemm 1,882 persuna li wżaw
is-servizzi li kienu offruti permezz ta’ erba’ (4) uffiċjali mid-Dipartiment
tas-Sigurtà Soċjali.
Seduta 429
17/02/2021
08/02/2021
ONOR. MICHAEL
FALZON: Ninforma lill-Onor. Interpellant li, l-informazzjoni
mitluba minnu hi kif qed ikun elenkat fit-tabella t’hawn taħt:
|
Tarxien |
||
|
Sena 2020 |
Benefiċjarji |
Nefqa |
|
Nisa |
63 |
€ 38,281.08 |
|
Irġiel |
64 |
€ 40,739.79 |
|
Total |
127 |
€ 79,020.87 |
Seduta 429
17/02/2021
19018. L-ONOR. CARMELO MIFSUD BONNICI staqsa lill- Ministru għas-Solidarjetà u l-Ġustizzja Soċjali, il-Familja u d-Drittijiet tat-Tfal: Jista’ l-Ministru jindika kemm persuni fil-Fgura bbenefikaw mill-In work benefit tul l-2020? Jista’ jindika kemm kienu nisa u kemm kienu rġiel u kemm tħallsu?
08/02/2021
ONOR. MICHAEL
FALZON: Ninforma lill-Onor. Interpellant li, l-informazzjoni
mitluba minnu hi kif qed ikun elenkat fit-tabella t’hawn taħt:
|
Fgura |
||
|
Sena 2020 |
Benefiċjarji |
Nefqa |
|
Nisa |
66 |
€ 47,354.32 |
|
Irġiel |
127 |
€ 76,643.34 |
|
Total |
193 |
€ 123,997.66 |
Seduta 429
17/02/2021
19017. L-ONOR. CARMELO MIFSUD BONNICI staqsa lill- Ministru għas-Solidarjetà u l-Ġustizzja Soċjali, il-Familja u d-Drittijiet tat-Tfal: Jista’ l-Ministru jindika kemm persuni f’Raħal Ġdid bbenefikaw mill-In work benefit tul l-2020? Jista’ jindika kemm kienu nisa u kemm kienu rġiel u kemm tħallsu?
08/02/2021
ONOR. MICHAEL
FALZON: Ninforma lill-Onor. Interpellant li, l-informazzjoni
mitluba minnu hi kif indikata f’din it-tabella hawn taħt.
|
Raħal Ġdid |
||
|
Sena 2020 |
Benefiċjarji |
Nefqa |
|
Nisa |
44 |
€ 36,253.77 |
|
Irġiel |
62 |
€ 43,270.28 |
|
Total |
106 |
€ 79,524.05 |
Seduta 429
17/02/2021
1. Mhux dejjem forzi ta’ prepotenza u kontroll jidhru fid-deher. Hemm min jagħti l-ordnijiet li ma jmissux u dawn narawhom jew inmissu magħhom. Hemm però setgħat oħra li jiddominaw u jirnexxilhom f’dan mingħajr ma jkunu identifikati. Hemm awturi varji bħal George Orwell li kiteb dwar min jikkmanda b’abbuz tal-jedd fuq l-oħrajn. Il-kotba tiegħu jibqgħu għad-disposizzjoni tagħna iktar u iktar għal min jrid jifhem iktar r-rejaltà li qed ngħixu fiha. Il-ħajja u l-għarfien tal-kurrenti tagħha ma humiex dejjem fl-għajn esterna u interna tagħna. Nafu nkunu “maħkumin” mingħajr ma nirrejalizzaw jew nindunaw.
Il-Bniedem
4. F’dan wieħed jifhem iktar li l-bniedem qiegħed jieħu indirettament ordnijiet li huwa stess jaċċetta mingħajr ma jifhem li qed iwettaq dan. Ċerti drabi bil-ħakma tal-ħsieb li wieħed għandu jsegwi lill-ieħor. Jekk wieħed għandu apparat l-ieħor għandu jkollu. Jekk wieħed juża tali apparat fil-“vantaġġi” li oħrajn qed jieħdu daqshekk ieħor huwa. Imma iktar minn hekk hemm id-diffikultà li l-bniedem qiegħed għal darb’oħra jżarma lilu innifsu biex isir jimita karatteristika u sura li m’ għandux jew aħjar m’ għandux jkollu. Il-bniedem għal darb’oħra flok jafferma l-indipendenza tiegħu. Flok iħalli l-ispirtu liberu tiegħu ikun sod qiegħed jippermetti lilu innifsu jsir magna jew parti minn sistema mekkanizzata. Fil-ħsieb li qiegħed isegwi ‘n-natura’ tiegħu qiegħed jipprova jilħaq dak li ma huwiex. Jipprova forom ta’ perfezzjonijiet organizzattivi li jwassluh biex la japprezza lilu nnifsu u anqas lil dawk li għandu miegħu.
Waqt u wara l-pandemija
5. Fil-bidu tas-sena l-ġurnal The Economist fil-pubblikazzjoni tiegħu “The World in 2021” jiftah f’iktar gravità u attenzjoni għal dan. Hemm hemm din it-twissija indiretta; “The post-covid world will be far more digital. From remote working to online retail, the pandemic has compressed years’ worth of transformation into months, bringing with it a dramatic shake-up in how people live, what they buy and where they work.” Li jfisser li billi ġejna iktar dipendenti fuq it-teknoloġija m’aħniex sejrin inneħħuha wara anzi ser taħkimna iktar. Ser nibqgħu f’kelma waħda f’livel għola fil-bidliet li ser isiru. Il-ħajja tal-bniedem ser iktar tgħaddi mit-teknoloġija biex tirreġistra avvanz. Dan ikun perikoluż jekk ma ngħarfux li hemm f’dan l-opportunità għal haddiehor biex jaħkem. Sija jekk ikunx fis-suq sija jekk jkunx fil-politika sija iktar fl-istil tal-ħajja li qed tiġi imposta fuq dawk li ma jikkonformawx. Fuq dawk li jridu jipproteġu l-umanità tagħhom. Jirreżistu sabiex il-libertà tagħhom tinżamm.
8. Il-hakma ma għandhiex neċessarjament issir mill-persunaġġi w l-karattri ta’ George Orwell fir-“Razzett tal-Bhejjem”. Qed issir b’iktar intelliġenza u poteri li m’humiex jidhru. Qed issir b’idejn li ma jidhrux imma li qegħdin fil-fatt “jikkontrollawna”. Ma hemmx trasparenza f’dan. Hemm il-kawzi u minnhom il-konsegwenzi u l-effetti tagħhom. Il-bniedem diġà qabad toroq li qed jieħduh fejn huwa stess ma jgħarafx. Qed jagħti l-kunsens tiegħu mingħajr ma huwa jara li qed jaċċetthom. Isir “kompliċi” indirett mingħajr m’għandu min jiftaħlu għajnejh. Bejn dak li qiegħed jiġi prospettat li ser iseħħ waqt u wara l-pandemija jibqa ċert li huwa dmir tagħna li naraw li ma jkollniex twelid ta’ forom awtoritarji ġodda fis-soċjetà tagħna.
