18181. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Ewropej: Jista’ l-Ministru jinforma l-Kamra jekk kemm-il darba skont il-ftehim
bejn ir-Renju Unit u l-Unjoni Ewropea ġiex introdott il-ħlas ta’ dazju fuq
l-importazzjoni ta’ kotba?
13/01/2021
ONOR. EVARIST
BARTOLO: Ninforma lill-Onor. Interpellant li fuq nota ġenerali
tajjeb wieħed jifhem li dan il-ftehim li ġie ffirmat bejn l-Unjoni Ewropea u
r-Renju Unit ħoloq żona ta’ kummerċ ħieles, bla tariffi u kwoti fuq
l-importazzjoni u l-esportazzjoni bejn iż-żewġ partijiet. Għaldaqstant fil-każ
ta’ prodotti mmanifatturati fir-Renju Unit, l-ebda ħlas ta’ dazju m’hu dovut.
Il-ħlas ta’ dazju jkun dovut biss meta prodott ma jirrispettax ir-regoli
tal-oriġini. Dan japplika b’mod uniformi għal kull prodott li jiġi impurtat,
inkluż kotba. Tajjeb wieħed jinnota wkollb’mod partikolari, li fil-każ ta’
kotba stampati, qatt ma jitħallas dazju, anke jekk joriġinaw minn pajjiż terz.
Seduta 421
27/01/2021
No comments:
Post a Comment