10446. L-ONOR. CARMELO MIFSUD BONNICI staqsa lill-Ministru għat-Trasport, Infrastruttura u
Proġetti Kapitali: Jista' l-Ministru jgħid f’liema stadju waslu l-proċeduri
għall-ħlas tal-esproprju ta’ Triq Patri Girgor Grima ma' Triq il-Qattus Ħal
Għaxaq sabiex tiġi estiża triq pubblika (Ref 256/18)?
10/06/2019
ONOR. IAN
BORG: Ninforma lill-Onor. Interpellant skont ma jien infurmat mill-Awtorità
tal-Artijiet, li b’referenza ghat-talba illi saret għall-espropju fi Patri
Girgor Grima ma' Triq il-Qattus Ħal Għaxaq, ġie kkonfermat illi l-Awtorità
tal-Artijiet ħadet il-passi necessarji biex tinforma lill-avukat tal-klijent
illi ġie nfurmat b’ittra, datata 23 t’Ottubru 2018, illi t-talba tiegħu ġiet
mgħoddija lill-Transport Malta.
Infurmati wkoll illi f’ittra datata 21 ta’ Gunju 2013, TM kienet digà
infurmat lill Perit li kiteb ghan nom tal klijent fejn ġie indikat illi l-art
saret bi żvilupp ċjoè biex jingħata aċċess għall-propjetajiet oħra u għaldaqstant
ma sar l-ebda esproprju minn entità governattiva. TM infurmat ukoll lill-perit li jekk kellha
ssir talba għal kumpens, din kellha ssir lil min għamel dan l-iżvilupp. It-TM infurmaw ukoll lill-Awtorità
tal-Artijiet li l-pożizzjoni tagħhom għadha bħal dik tal-2013. Il-kopji tal-ittri msemmijja fit-tweġiba qed
jitpoġġew fuq il-Mejda tal-Kamra.
Seduta 244
02/07/2019
No comments:
Post a Comment