31324. L-ONOR. CARMELO MIFSUD BONNICI staqsa lill-Ministru għat-Trasport, l-Infrastruttura u x-Xogħlijiet Pubbliċi: Jista’ l-Ministru jara li l-inkonvenjent li nħoloq fi Triq Kottoner Fgura bit-tqegħid ta’ boulders tal-concrete fin-nofs tagħha, jiġi mneħħi jew imtaffi, peress li diversi persuni ma jistgħux jaqsmu minn naħa għall-oħra tat-triq?
10/10/2025
ONOR. CHRIS BONETT: Ninforma lill-Onor.
Interpellant li dawn il-boulders saru biex jipproteġu lis-sewwieqa
mix-xogħlijiet li għaddejjin fit-triq imsemmija. Sakemm kienu jippermettu x-xogħlijiet, kien
hemm spazju bejn il-boulders sabiex persuna tista’ tgħaddi. Minn din il-ġimgħa nbeda x-xogħol tal-iskavar
fuq naħa minnhom u għaldaqstant, għas-sigurtà ta’ kulħadd, ma jistax jiġi
permess li persuna taqsam min-naħa għall-oħra tat-triq minn bejn dawn il-boulders. Min ikollu bżonn jaqsam min-naħa għall-oħra
tat-triq għandu jsegwi d-devjazzjonijiet indikati.
Seduta 388
No comments:
Post a Comment