10296. L-ONOR. CARMELO MIFSUD BONNICI staqsa lill-Ministru għall-Edukazzjoni u Xogħol:
Jista’ l-Ministru jgħid kemm saru talbiet għal persuni ta’ nazzjonalità li mhix
dik ta’ dawn il-gżejjer sabiex jingħataw l-permess biex jaħdmu ma' Jobsplus tul
din is-sena?
29/05/2019
ONOR. EVARIST
BARTOLO: Ngħarraf lill-Onor. Interpellant li minn Jannar sa
l-aħħar t'April tal-2019, Jobsplus irċeviet 2,734 talba għal permess ta’ xogħol
(Employment Licence) minn ċittadini
ta’ pajjiżi terzi. Dawn l-applikazzjonijiet ġew prinċipalment sottomessi minn
applikanti li qed ifittxu ażil f’Malta, benefiċjarji ta’ protezzjoni nazzjonali
u internazzjonali, residenti fit-tul u ċittadini oħra ta’ pajjiżi terzi li mhumiex
eliġibbli biex japplikaw għal Single
Residence/Work Permit. Minn Jannar sa l-aħħar t’April 2019, Jobsplus
irċeviet ukoll 9,565 talba għal permess ta’ Single
Residence/Work Permit.
Seduta 231
03/06/2019
No comments:
Post a Comment