19702. L-ONOR. CARMELO MIFSUD BONNICI staqsa lill-
Ministru għall-Edukazzjoni u x-Xogħol: Jista’ l-Ministru jgħid kemm ġew
impjegati u ngaġġati persuni mill-Ministeru u mid-dekasteri varji li jaqgħu
taħtu tul din is-sena sa Settembru 2015?
08/10/2015
ONOR. EVARIST
BARTOLO: Ninsab infurmat li l-għadd ta’ persuni impjegati
mill-Ministeru u mid-dekasteri varji li jaqgħu taħt dan il-Ministeru minn
Jannar sa Settembru 2015 hu ta’ 667 li minnhom 395 jaħdmu fil-qasam edukattiv
fl-iskejjel.
Din il-figura ma tinkludix
l-ingaġġ ta’ 82 invigilators ġodda mad-Dipartiment tal-Eżamijiet u 1058 persuna
li ġew ingaġġati mal-Fondazzjoni għal Servizzi Edukattivi (FES) fuq kuntratt
definit bejn l-1 ta’ Lulju 2015 u t-30 ta’ Settembru 2015 sabiex jaħdmu fuq
bażi part-time fiċ-ċentri ta’ Skola Sajf.
Seduta 299
12/10/2015
No comments:
Post a Comment