6361. L-ONOR. CARMELO MIFSUD BONNICI staqsa lill- Ministru għall-Intern, is-Sigurtà, ir-Riformi u l-Ugwaljanza: Jista’ l-Ministru jgħid jekk kienx hemm investigazzjoni jew rapport preparat wara li kien hemm waqfien fit-traffiku nhar it-Tnejn 6 ta’ Frar 2023 mit-3.30.p.m sas-6.30.p.m fi Triq Aldo Moro, il-Marsa u t-toroq l-oħrajn? Jista’ jgħid x’passi ttieħdu sabiex it-traffiku li weħel f’diversi partijiet tal-gżira, l-iktar fin-naħa t’isfel, jiġu mċaqilqa fuq toroq oħrajn?
09/02/2023
ONOR. BYRON CAMILLERI: Ninsab infurmat illi dwar
l-inċident li qed jirreferi għalih l-Onor. Membru, li seħħ nhar it-Tnejn 6 ta’
Frar 2023 waranofsinhar fi Triq Aldo Moro, il-Marsa, il-pulizija mill-għassa
tal-Ħamrun ġew infurmati li kien hemm makkinarju li waqa’ waqt li kien qed jiġi
trasportat u kien qed jostakola t-triq. Dawn mill-ewwel marru fuq il-post biex
jevalwaw is-sitwazzjoni u jikkontrollaw it-traffiku waqt li raw li tingħalaq
it-triq biex jiġi evitat kull periklu. Infurmat illi jassistu kien hemm ukoll
uffiċjali minn TM u mil-LESA biex għenu fil-kontroll tat-traffiku. Minħabba li
kien hemm tixrid ta’ żejt fl-istess triq, taw l-għajnuna tagħhom membri tal-Protezzjoni
Ċivili. Dawn neħħew il-periklu biex sussegwentament setgħet tinfetaħ it-triq
għan-normal. Dwar l-aħħar parti tal-mistoqsija nitolbok tagħmel il-mistoqsija
lill-Ministru kkonċernat.
Seduta 90
No comments:
Post a Comment