19984. L-ONOR. CARMELO MIFSUD BONNICI staqsa lill-
Ministru għat-Trasport, l-Infrastruttura u l-Proġetti Kapitali: Jista’
l-Ministru jinforma l-Kamra jekk kemm-il darba kienx hemm xi forma ta’ għajnuna
lid-diversi barklori li jservu fil-portijiet tagħna tul dan il-perjodu ta’
pandemija?
12/03/2021
ONOR. IAN
BORG: Ninforma lill-Onor. Interpellant, li ninsab infurmat li l-barklori li
jservu fil-portijiet ġew mgħejjuna u bbenefikaw mill-miżuri li introduċiet
l-Awtorita’ bl-istess mod kif ġew mghejjuna u bbenefikaw dgħajjes kummerċjali
oħra li joperaw f’dan is-settur kummerċjali marittimu bl-introduzzjoni ta’
miżuri li introduċiet l-Awtorita’ tat-Trasport fl-2020 fosthom l-estensjoni
tal-validitia’ taċ-ċertifikati u
liċenzji, l-opportunita’ li operaturi li jiddikjaraw id-dgħajjes tagħhom bħal
mhux operattivi jiġu eżentati milli jħallsu għaċ-ċertifikati u liċenzji għal
dak il-perjodu mhux operattiv kif ukoll ġew annullati kull tip ta’ mizati
addizzjonali fil-każ ta’ sottomissjonijiet tard ta’ applikazzjonijiet.
L-Awtorita’ tat-Trasport
qiegħda tikkunsidra aktar miżuri ta’ għajnuna lis-settur kummerċjali marittimu
għal din is-sena.
Seduta 442
17/03/2021
No comments:
Post a Comment