15313. L-ONOR. CARMELO MIFSUD BONNICI staqsa lill-Ministru għall-Affarijiet Barranin u Ewropej: Jista’ l-Ministru jgħid x’passi ttieħdu in segwitu għall-inizjattiva li saret f’Jannar 2020 “Malta Africa Strategy for Partnership 2020-2025”?
ONOR. EVARIST BARTOLO: L-Istrateġija tal-Afrika tnediet mill-Ministeru għall-Affarijiet Barranin u l-Promozzjoni tal-Kummerċ (MFTP) f'Jannar 2020. Sussegwentement, il-portafoll tal-Promozzjoni tal-Kummerċ ġie assorbit fi ħdan il-Ministeru għall-Ekonomija, Investiment u Intrapriżi Żgħar. Dan wassal biex delegazzjoni kummerċjali żaret il-Ghana b'suċċess f'Marzu 2020.
Sa mit-tnehdija
tal-Istrateġija ta’ Malta għal Sħubija mal-Afrika, 5 xhur ilu, l-Miniteru kellu
jadatta għal bidliet li ġabet magħha il-pandemija tal-COVID-19 li kellhom
impatt fuq l-implimentazzjoni ta’ bosta settur tal-politika barranija, inkluż
din l-Istrateġija.
Minkejja dan kollu, kien hemm
ammont ta’ xoghol preparatorju li beda jseħħ, li jinkludi:
a) Konsolidazzjoni tal-attività ta’ Malta fil-Ghana u
l-Etjopja f'konformità mal-Istrateġija ta’ Malta għal Sħubija mal-Afrika
permezz ta’ sforzi kontinwi biex insaħħu l-opert tal-Kummissjoni Għolja ta’
Malta fil-Ghana filwaqt li nespandu l-firxa tagħna f'Addis Ababa, kemm
bilateralment kif ukoll mal-kwartieri tal-Unjoni Afrikana.
b) Kontatti mal-Djibouti bħala punt ta' dħul għall-kumpaniji
Maltin fi stati varji fl-Afrika.
c) Kuntatti uffiċjali fin-Namibja u fir-Rwanda - pajjiżi
tal-Commonwealth - li t-tnejn għandhom il-potenzjal li jaġixxu bħala punti ta'
dħul fir-reġjuni rispettivi tagħhom.
d) Id-diplomazija COVID-19 li biha Malta waslet għand
il-pajjiżi ewlenin fl-Afrika biex taqsam l-esperjenza tagħna dwar il-pandemija.
e) Ġie mfakkar Jum l-Afrika fis-26 ta' Mejju 2020 permezz
ta’ laqgħa virtwali ma’ studenti Afrikani li jistudjaw f'Malta.
f) Aktar enfasi fuq l-Afrika fix-xogħol tal-programm
tal-assistenza għall-iżvilupp, fl-approċċ konġunt bejn is-settur publiku u dak
privat, lejn il-kontinent Afrikan.
Għalhekk hija l-intenzjoni
tal-Minsiteru li jkompli jibni fuq dawn l-impenju initzzjali sabiex
l-Istrateġija għal Sħubija mal-Afrika tkun tista tagħti l-frott tagħha f’diversi
forom, fosthom opportunitajiet kummerċjali fis-swieq tal-Afrika.
Il-Ministeru jinsab ukoll
impenjat li jikkontribwixxu għall-formulazzjoni ta’ Strateġija Ewropea
għall-Afrika u biex niżguraw li l-għajxien u l-kundizzjonijiet tax-xogħol
jitjiebu u jsarrfu f’inqas pressjonijiet ta’ migrazzjoni lejn l-Ewropa.
Bl-amalgamazzjoni tal-Affarijiet Ewropej mal-Affarijiet Barranin, il-Ministeru
qiegħed ukoll jesploraw il-possibiltajiet ta’ opportunitajiet għal proġetti
trilaterali bejn Malta, l-UE u pajjiżi fl-Afrika.
Seduta 347
23/06/2020
No comments:
Post a Comment