12892. L-ONOR. CARMELO MIFSUD BONNICI staqsa lill-
Ministru għall-Ġustizzja, l-Ugwaljanza u l-Governanza: Jista’ l-Ministru jgħid
kemm ġew ippreżentati ittri uffiċjali eżekuttivi taħt l-artikolu 166A fil-Prim
Awla tal-Qorti Ċivili u l-Qorti tal-Maġistrati f’Malta u Għawdex is-sena li
għaddiet 2019?
05/02/2020
ONOR. EDWARD
ZAMMIT LEWIS: Ninsab infurmat li n-numru ta’ ittri uffiċjali
ppreżentati ai termini tal-artikolu 166A (Kap. 12) fl-2019 fil-Prim Awla
tal-Qorti Ċivili (Malta) kien ta’ 180 filwaqt li 54 ittra uffiċjali ġew reżi
eżekuttivi. Fl-istess perjodu 3654 ittra uffiċjali ai termini tal-artikolu 166A
(Kap. 12) ġew ippreżentati fil-Qorti tal-Maġistrati (Malta) filwaqt li 718-il
ittra ġew reżi eżekuttivi.
In-numru ta’ ittri uffiċjali
ppreżentati ai termini tal-artikolu 166A (Kap. 12) fl-2019 fil-Qorti
tal-Maġistrati (Għawdex), fil-kompetenza Superjuri Ċivili tagħha kien ta’ 6
filwaqt li ittra waħda uffiċjali ġiet reża eżekuttiva. Fl-istess perjodu 186
ittra uffiċjali ai termini tal-artikolu 166A (Kap. 12) ġew ippre¿entati
fil-Qorti tal-Maġistrati (Għawdex), Inferjuri Ċivili, filwaqt li 13-il ittra
ġew reżi eżekuttivi.
Seduta 302
26/02/2020
No comments:
Post a Comment