9424. L-ONOR. CARMELO MIFSUD BONNICI staqsa lill- Ministru għal Għawdex: B’referenza għat-tweġiba tal-mistoqsija parlamentari 3369, jista’ l-Ministru jgħid jekk ix-xogħol li kellu jsir f’Kerċem Tombs (Katakombi ta’ Għar Għerduf) sarux, sabiex tibda l-ħidma arkeoloġika?
31/05/2023
ONOR. CLINT CAMILLERI: Ninforma lill-Onor.
Interpellant li wara li saru studji preliminari fuq is-sit tal-Katakombi ta’
Għar Gerduf, ġie stabbilit li minħabba l-fraġilità u xi kunsenturi li nstabu
fis-sisien u s-saqaf tal-għar, għandhom isiru investigazzjonijiet aktar
profondi fuq it-tessut u t-terren tal-madwar. Għal dan il-għan, f'dawn l-aħħar xhur ġie preparat u evalwat
tender (SPD3/2023/010 – Award Notice; 15 ta’ Mejju 2023) għall-provista’ ta’
studju xjentifiku tal-istat ġeoloġiku u jirrakkomanda miżuri ta’ konsolidament
tal-blat li jifforma l-Katakombi ta’ Għar Gerduf bl-aħjar interventi u
possibbilment reversibbli li jirrispettaw u jħarsu s-sensittività ta’ dan
il-post storiku f’Għawdex. L-istess tender jaħseb ukoll biex ifassal pjan
metodoloġiku għall-iskavar arkeoloġiku meħtieġ, mingħajr ma jikkomprometti
l-istess struttura jew b’xi mod ikun ta’ periklu għall-ħaddiema involuti
fl-istess proċess. Dan kollu qed isir b’kollaborazzjoni u f’kunsultazzjoni
sħiħa mas-Sovrintendenza tal-Wirt Kulturali.
Seduta 132
12/06/2023
No comments:
Post a Comment