*16381. L-ONOR CARMELO MIFSUD BONNICI staqsa lill-Ministru għat-Trasport, Infrastruttura u l-Proġetti Kapitali: Jista’ l-Ministru jgħid jekk kemm-il darba Triq il-Mandraġġ fil-Birgu, hiex se tiġi msewwija u magħmula mill-ġdid?
02/09/2020
ONOR.
IAN BORG:
Ninforma lill-Onorevoli Interpellant li t-titjib fl-infrastruttura ta’ pajji¿na
jinsab fuq quddiem nett tal-ħidma ta’ dan il-Gvern. Dan l-impenn qed jitwettaq
permezz ta’ pjan ta’ ħidma b’investiment bla preċedent biex fis-snin li ġejjin
inkomplu ntejbu l-kwalità, l-effiċjenza u s-sigurtà tal-infrastruttura
tat-toroq fil-pajjiż. Dan il-pjan qed jiġi mwettaq b’mod gradwali, iżda
mingħajr telf ta’ ħin, sabiex nilħqu din il-mira mill-aktar fis.
Bħala parti minn dan il-pjan, Infrastructure Malta bħalissa qed twettaq
ħafna proġetti biex ittejjeb is-sigurezza u s-sostenibilità tas-sistema
tat-toroq ewlenin, toħloq infrastruttura ta’ kwalità u ambjent aħjar fit-toroq
residenzjali f’kull lokalità u tibni mill-ġdid ukoll ħafna toroq sekondarji
oħra, fosthom kilometri ta’ toroq rurali fil-kampanja. Dan l-investiment diġa
qed iħalli l-frott mixtieq, b’għexieren ta’ toroq residenzjali mibnija
mill-ġdid u b’ħafna proġetti ta’ titjib fit-toroq ewlenin tas-sistema
tat-trasport bl-art f’pajjiżna.
Fil-lokalità tal-Birgu, Infrastructure Malta diġà bniet mill-ġdid Triq
il-Palazz l-Antik tal-Gvernatur, Triq iċ-Ċentinarju tal-Parroċċa u Triq San Dwardu.
Bħalissa qed taħdem biex daqt tibda twettaq proġett ta’ titjib u tisbieħ
fil-parti tax-xatt taħt is-swar magħrufa bħala t-Toqba tal-Birgu (Sally Port)
li
se jinkludi prominad ġdid, u bħalma qed tagħmel f’mijiet ta’ toroq
residenzjali oħrajn, it-triq imsemmija wkoll eventwalment ser tkun qed tinbena
mill-ġdid. Sakemm isir dan, l-aġenzija se tigbed l-attenzjoni tal-Kunsill
Lokali biex jekk jinħtieġu xi tiswijiet temporanji, jkunu jistgħu jiġu
kkunsidrati.
No comments:
Post a Comment