PERSUNI MRESSQA L-QORTI AKKUŻATI B’REATI KRIMINALI

7724. L-ONOR. CARMELO MIFSUD BONNICI staqsa lill-Ministru għall-Intern u Sigurtà Nazzjonali: Jista’ l-Ministru jinforma lill-Kamra kemm tressqu persuni l-Qorti mill-Pulizija akkużati b’reati kriminali (kumpilazzjonijiet) tul din s-sena 2018 sa issa u jista’ jinforma b’liema reati ġew akkużati?

05/11/2018

  ONOR. MICHAEL FARRUGIA:  Ninsab infurmat li sal-aħħar ta’ Ottubru 2018 tressqu tmien mija u sebgħa u erbgħin (847) persuna l-Qorti mill-Pulizija akkużati b’reati kriminali (kumpilazzjonijiet). Infurmat illi bħala reati għas-sena 2017, kien hemm firxa wiesgħa ta’ tip ta’ reati li bihom ġew akkużati dawn il-persuni li fost oħrajn kienu jinkludu:

- omiċidji

– attentat ta’ omiċidji

– reati relatati ma’  serq

– riċettazzjoni

- offiżi volontarji u nvolontarji fuq il-persuna

- vjolenza jew reżistenza fuq uffiċjali pubbliċi

- traffikar ta` persuni

– stupru

– korruzzjoni ta’ minuri

- usura

– ħsarat volontarji

– reati relatati ma’ ħsarat fil-propjeta’

- abbandun ta’ minuri

– reati relatati ma’ frodi

– reati relatati ma’ drogi

– theddid - pussess ta’ armi

- trattament mhux xieraq fuq annimali

– użu ħazin ta’ mezzi ta’ telekomunikazzjoni

– misapprorijazzjoni

– ħasil ta’ flus

- falsifikar ta’ flus

– offizi relatati ma’ immigrazzjoni llegali ta’ persuni

- falsifikazzjoni ta’ dokumenti

– reati relatati ma’ sigurtà fuq ix-xogħol

– sekwestru

– prostituzzjoni

– żamma ta’ burdelli

– rapporti foloz

- ġuramenti foloz

- fabbrikazzjoni ta’ evidenza falza

– reati relatati ma’ pornografija tat-tfal

– reati ta’ atti sesswali ma’ minorenni u reati oħra provduti mill-Kodici Kriminali jew liġijiet speċifici oħra. 

F’ħafna mill-kumpilazzjonijiet il-persuni akkużati jittressqu fuq aktar minn reat wieħed.

Seduta  170

20/11/2018