7734. L-ONOR. CARMELO MIFSUD BONNICI staqsa lill-
Ministru għall-Familja, Drittijiet tat-Tfal u Solidarjetà Soċjali: Jista’
l-Ministru jinforma lill-Kamra kemm kien hemm persuni li applikaw sabiex
jingħataw l-għajnuna soċjali tul is-sena li għaddiet 2017 u kemm sa issa
fis-sena 2018? Kemm persuni ma baqgħux jirċievu dan il-benefiċċju fl-istess
żmien?
05/11/2018
ONOR. MICHAEL
FALZON: Ninforma lill-Onor. Interpellant li, n-nunru ta’ persuni
li applikaw sabiex jingħataw l-Għajnuna Soċjali (SA), Għajnuna għad-Diżimpjieg
(UA), Għajnuna Soċjali għall-ommijiet singoli (SUP), Għajnuna Soċjali għal dawk
illi jgawdu Protezzjoni Sussidjarja (SUA) u Għajnuna Soċjali lil min ikun qed
jattendi Programm ta’ rijabilitazzjoni mill-vizzju tad-droga jew alkoħol (DAD),
matul l-2017 kien ta’ 2,052 persuna, filwaqt illi matul l-2018, sal-ġurnata
preżenti kien ta’ 1,510 persuni.
Mill-banda l-oħra n-numru ta’
persuni li kienu jirċievu l-istess benefiċċji msemmija u ma baqgħux, matul
is-sena 2017 kien jammonta għal 3,133 persuna, filwaqt illi matul din is-sena
sal-lum, kien hemm 2,981 persuna.
Seduta 172
26/11/2018
No comments:
Post a Comment