13774. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Ewropej: Jista' l-Ministru jgħid kemm hemm persuni fir-reġistru ta’ Maltin
prominenti li jgħixu barra minn Malta hekk kif imsemmi fl-Artikolu 10 tal-Att
dwar Kunsill għall-Maltin li Jgħixu Barra minn Malta (Kap. 515) skont il-pajjiż
li huma stabbiliti fih u l-qasam li huma prominenti fih? Kemm minn dawn huma
ċittadini ta' Malta?
20/04/2020
ONOR. EVARIST
BARTOLO: Infurmat li r-reġistru ta’ Maltin Prominenti li Jgħixu
Barra minn Malta beda jopera b’deċi¿joni tal-Kunsill tal-Maltin li Jgħixu barra
minn Malta fl-2017, bl-uniku sitt (6) applikazzjonijiet mibgħuta sal-2018 jiġu
approvati kollha.
Tajjeb wieħed jgħid li
filwaqt li l-Ministeru baqa’ jirċievi numru ta’ applikazzjonijiet, dawn għadhom
ma ġewx ikkunsidrati minħabba li bħalissa qed issir revi¿joni ta’ x’jagħmel
persuna prominenti f’termini ta’ definizzjoni, u l-metru ta’ ġudizzju li bih
persuna titqies prominenti għall-finijiet tar-reġistru kkonċernat.
Il-Ministeru jittama li
fix-xhur li ġejjin il-Kunsill tal-Maltin li Jgħixu Barra minn Malta jkun
f’po¿izzjoni li joħroġ b’linji gwida ċari bil-għan li t-terminu ‘persuna
prominenti’ tkun definita kif meħtieġ u l-iskrutinju tal-applikazzjonijiet
issir f’konsultazzjoni mal-istess linji gwida rispettivament.
Seduta 321
27/04/2020
No comments:
Post a Comment