KORRIMENTI FUQ IL-POST TAX-XOGĦOL - BENEFIĊĊJU

19934. L-ONOR. CARMELO MIFSUD BONNICI  staqsa lill- Ministru għall-Politika Soċjali u d-Drittijiet tat-Tfal: Jista’ l-Ministru jwieġeb il-mistoqsija parlamentari 19375 u jgħid kemm kien hemm persuni li qed jirċievu l-benefiċċju relattiv fir-rigward korrimenti fuq il-post tax-xogħol fl-aħħar ta’ Diċembru 2023?

 

12/06/2024

 

ONOR. MICHAEL FALZON:  Nitlob lill-Onor. Interpellant, sabiex jirreferi għat-tweġiba li ngħatat lill-mistoqsija parlamentari 19375.

 

Seduta  256

09/07/2024

IL-FGURA - TRIQ BEJN TRIQ IL-FOSS U TRIQ KOTTONER - XOGĦLIJIET

19933. L-ONOR. CARMELO MIFSUD BONNICI  staqsa lill- Ministru għall-Ambjent, l-Enerġija u r-Riġenerazzjoni tal-Port il-Kbir: Tista’ l-Ministru tgħid jekk hux se jerġa’ jsir xogħol fit-triq bejn Triq il-Foss u Triq Kottoner fil-Fgura, in vista tal-fatt li reċentement din it-triq kienet saret mill-ġdid?  Jekk iva, tista’ tgħid kemm se ddum magħluqa peress li din it-triq tintuża ħafna?

 

12/06/2024

 

ONOR. MIRIAM DALLI:  Ninforma lill-Onor. Interpellant li bħala parti mill-proġett biex jiġi estiż in-netwerk tan-New Water fin-nofsinhar ta’ Malta biex il-bdiewa jkunu moqdijin aħjar, il-Korporazzjoni għas-Servizzi tal-Ilma għaddejja b’xogħlijiet fi Triq il-Foss li jestendu sa Triq id-Dejma.  Ix-xogħol huwa mmirat li jitlesta lejn l-aħħar tat-tielet kwart tas-sena u dan qed isir f’fażijiet biex jippermetti li partijiet mit-toroq ikunu miftuħin waqt li jkun għaddej ix-xogħol f’partijiet oħra. Dwar xogħlijiet fi Vjal il-Kottoner nitlob lill-Onor. Interpellant biex jirreferi l-mistoqsija tiegħu lill-Ministeru konċernat.

 

Seduta  256

09/07/2024

IL-FGURA - TRIQ BEJN TRIQ IL-FOSS U TRIQ KOTTONER - XOGĦLIJIET

19932. L-ONOR. CARMELO MIFSUD BONNICI  staqsa lill- Ministru għall-Wirt Nazzjonali, l-Arti u l-Gvern Lokali: Jista’ l-Ministru jgħid jekk hux se jerġa’ jsir xogħol fit-triq bejn Triq il-Foss u Triq Kottoner fil-Fgura, in vista tal-fatt li reċentement din it-triq kienet saret mill-ġdid?  Jekk iva, jista’ jgħid kemm se ddum magħluqa peress li din it-triq tintuża ħafna?

 

12/06/2024

 

ONOR. OWEN BONNICI:  Nitlob lill-Onor. Interpellant sabiex jagħmel din il-mistoqsija parlamentari lill-Ministeru kkonċernat.

 

Seduta  256

09/07/2024

IL-FGURA - TRIQ BEJN TRIQ IL-FOSS U TRIQ KOTTONER - XOGĦLIJIET

19931. L-ONOR. CARMELO MIFSUD BONNICI  staqsa lill- Ministru għat-Trasport, l-Infrastruttura u x-Xogħlijiet Pubbliċi: Jista’ l-Ministru jgħid jekk hux se jerġa’ jsir xogħol fit-triq bejn Triq il-Foss u Triq Kottoner fil-Fgura, in vista tal-fatt li reċentement din it-triq kienet saret mill-ġdid?  Jekk iva, jista’ jgħid kemm se ddum magħluqa peress li din it-triq tintuża ħafna?

 

12/06/2024

 

ONOR. CHRIS BONETT:  Nitlob lill-Onor. Interpellant sabiex jindika għal liema triq qed jirreferi.

 

Seduta  256

09/07/2024

TASTIERA FL-ISTABILITÀ

1. Smajna, u sa ċertu punt qrajna, dwar il-fatt li tul din is-sena konna ser naraw l-akbar parti tad-dinja tmur tivvota. Kellna diġà ħafna skedati u żdiedu oħrajn, bħal dawk fir-Renju Unit u fi Franza. Nafu anki li fejn l-elettorat huwa żgħir, jew relattivament hekk ikkunsidrat, għandek xorta diversi ntoppi u problemi. Meta jiġu dawk il-jiem, uħud jitilfu l-għaqal u jaġixxu mhux proprju kif titlob id-demokrazija. Għalhekk kull elezzjoni ġenerali jew presidenzjali li ssir u tgħaddi tkun suċċess meta joħroġ ir-riżultat u dan jiġi aċċettat mill-partiti li jkunu ħadu sehem. Kif nafu, kellna u għad għandna f’daqqa tlett appuntamenti importanti li fihom jinvolvu l-miluni ta’ nies. Tnejn għaddew diġà; it-tielet għadu ġej.

Miljuni

2. Aħna wkoll ħadna sehem fl-elezzjoni tal-Parlament Ewropew, li kienet tinvolvi l-miljuni fl-Unjoni. Però, ftit qabel għaddiet dik fl-Indja, u issa lejn Novembru ser ikun hemm l-elezzjoni Presidenzjali fl-Istati Uniti tal-Amerika. Iktar ma jkun hemm min jista’, u fl-aħħar ukoll irid jivvota, iktar trid attenzjoni u organizzazzjoni. Dawk Ewropej mod u l-istess dawk Amerikani, imma dawk f’pajjiż kbir bħall-Indja fil-kontinent Asjatiku, aktar. Fil-fatt, l-elezzjoni f’dak il-pajjiż ma ssirx f’ġurnata waħda, imma tieħu t-tul. Bdiet fid-19 ta’ April u baqgħet sejra sal-1 ta’ Ġunju. Kienu eliġibbli li jivvutaw madwar 968 miljun persuna u effettivament xeħtu l-vot tagħhom 642 miljun. Pajjiż kibr, b’kumplikazzjonijiet varji, imma li mill-1949 ma marx lura mill-impenn demokratiku tiegħu. Forsi mertu taż-żewġ partiti l-kbar, dak tal-Kungress u l-BJP (Bharatya Janata Party) li kien hemm stabbiltà f’soċjetà mimlija kontradizzjonijiet, b’estremi soċjali u ekonomiċi preżenti.

Riżultat

3. F’ċertu sens, dan kien differenti minn dak li kien qiegħed jiġi mistenni, speċjalment minn Narendra Modi, il-Prim Ministru attwali u l-partit tiegħu, il-BJP. Fit-tielet leġislatura tiegħu ra tnaqqis fil-membri parlamentari eletti. Minn 303 li kellu niżel għal 240. Xorta forza b’saħħitha li ser tippermettilu, din id-darba, b’dipendenza ftit akbar fuq il-partiti alleati, li jkompli jmexxi. Fir-realtà baqa’ b’segwitu elettorali qawwi: minn 37.3% tal-votanti fl-elezzjoni preċedenti għal din id-darba b’36.5%. Telf marġinali għall-politiku li ilu, bħala l-erbatax-il Prim Ministru tal-pajjiż, imexxi minn Mejju tal-2014. Biss, waqt li qabel dak il-kunsens elettorali servieh għal 56% tas-siġġijiet parlamentari, din id-darba mar għal 44%.

Fatturi

4. F’dan xorta hemm żewġ fatturi ta’ stabbiltà. L-ewwel: li qiegħed ikompli jmexxi maġġoranza stabbli; u tieni, li l-proċess sħiħ għadda bażikament sew sabiex id-demokrazija kompliet tafferma ruħha. Kif The Economist kien pożittiv u ddikjara: l-ewwel li: “Shock election result for the better”, u wara faħħar lill-elettorat billi qal hekk: “The world’s biggest electorate has just shown how democracy can rebuke out-of-touch political elites, limit the concentration of power, change a country’s destiny.” (L-ikbar elettorat fid-dinja għadu kif wera li jista’ jċanfar lill-elite politiku li huwa maqtugħ, jikkontrolla l-poter u jibdel destin ta’ pajjiż.) Sinjali importanti għal dak fl-ekonomija mondjali.

Mhux mistenni

5. Il-partit tal-Prim Ministru huwa wieħed li huwa mwieled fuq dak li huwa dikjarat bħala “umaneżmu integrali”, b’ideat prevalenti marbuta ma’ nazzjonaliżmu Ħindu. Imma fir-realtà hemm ġabriet ta’ programmi li f’mument minnhom jiddikjaraw ruħhom liberati mill-ħakmiet passati fuq il-pajjiż. Dawk li fuq naħa jħarsu lejn id-Dominji, Iżlamiċi, tal-Imperu Ingliż u dawk li s-Soċjaliżmu tal-Partit tal-Kungress għadda. Fuq l-oħra, il-fatt li l-pajjiż jidher li mexa ’l quddiem b’infrastruttura aħjar, u bi progress f’dak li jissejjaħ “digital welfare systems” għal dawk l-iktar ’l isfel fis-soċjetà. Il-pajjiż mexa ’l quddiem b’mod ġenerali u dan għal dawn l-aħħar żewġ leġislaturi ngħata l-kredtu tal-konċentrazzjoni fil-poter ta’ Narendra Modi, li issa għandu tlieta u sebgħin sena. Proprju għalhekk, quddiem dan l-avviż, diversi argumentaw li r-riżultat ma kienx mistenni.

L-Oppożizzjoni

6. Fuq in-naħa l-oħra, il-Partit tal-Kungress, li huwa dak li tradizzjonalment mexxa ’l-pajjiż għal ħafna snin, f’dawn l-elezzjonijiet ġie vantaġġat. Il-mexxej preżenti, Rahul Gandhi (1970), bin ġenituri politiċi, f’dawn irreġistra żieda fis-siġġijiet. Minn tnejn u ħamsin fl-2019, issa qiegħed b’disa’ u disgħin wieħed. Avvanz li ġieb lill-partit lura biex jista’ jħares lejn l-appuntamenti elettorali li ġejjin b’iktar kunfidenza. Iktar u iktar meta l-kritika lejn il-BJP hija indirizzata lejn il-fatt li hemm inqas impjiegi tajba, b’diskriminazzjoni soċjali kontra l-Musulmani, b’numru ta’ passi li fihom l-istituzzjonijiet demokratiċi ġew ikkontrollati, b’persekuzzjoni u forom ta’ oppressjoni lil parti mill-medja nazzjonali. Passi li wħud identifikawhom ma’ partiti tal-lemin estrem, li huwa stramb meta wieħed jikkunsidra li Modi ġej minn klassi soċjali fqira u allura minnu wieħed kien jistenna iktar passi sabiex min huwa ’l isfel jitla’ ’l fuq.

Futur

7. Huwa f’dawn il-mumenti, meta l-pożizzjoni ssir aktar diffiċli u mimlija sfidi, li wieħed jara jekk mexxej għandux l-abbiltajiet jimxi, u anzi f’dan il-każ, ikompli jimxi. Għandna interess f’dan. Pajjiżna għandu rabtiet varji ma’ dan il-poplu. Wieħed jista’ jħares sabiex dawn jiżdiedu. Hemm ferm aktar x’wieħed għandu jagħmel. Hemm potenzjali kbar, sija fl-aspett turistiku, kif ukoll dawk ekonomiċi. F’dan ukoll wieħed irid iżomm quddiem għajnejh il-fatt li kellna numru ta’ missjunarji li marru u għadhom preżentement hemmhekk, li jistgħu jiġu apprezzati aħjar għal ħidmiethom. Kif ukoll, iktar direttament, is-sehem li dan il-pajjiż jista’ jkompli joffri sabiex ikun hemm ftehim fil-gwerra li għaddejja ġewwa l-Ukrajna. M’hemmx dubju f’dan li l-Indja hija importanti fid-dinja tagħna. Punt li għandna napprezzaw ferm iktar għaliex huwa tastiera vitali fl-istabbiltà mondjali.

X'BIDLIET SEJRIN NARAW

1. Tul il-kampanja elettorali il-pożizzjoni baqgħet kostanti. Minn dak li qed jingħad u jinkiteb jidher li fl-aħħar ser ikun hemm bidla fil-Gvern tal-pajjiż. Dawk li fl-elezzjonijiet amministrattivi, ekwivalenti għal dawk tal-Kunsilli Lokali tagħna, iddeċidew li jivvutaw lill-Partit Laburista Ingliż hekk jidher li ser ikomplu u jerġgħu jagħmlu. Wara erba’ elezzjonijiet ġenerali li fihom il-Partit Konservattiv, b’xi mod, irnexxilu jirbaħ, u anzi f’waħda minnhom kaxkar, issa l-istorja ser tkun differenti. F’dawn is-snin, it-tmexxija ma kinitx eżemplari. Anki jekk kien hemm tlett Prim Ministri serji li ppruvaw, xorta waħda dak li wettaq wieħed minnhom naħseb li kien biżżejjed biex kisser kull forma ta’ fiduċja li setgħet inbniet.

Ħames persuni

2. Fil-fatt, mill-ewwel leġislatura, dak il-pajjiż ra ħames tibdiliet. Kellna lil David Cameron (2010-2016) u lil Teresa May (2018-2022) li mexxew b’integrità u l-iktar it-tieni waħda, b’enfasi fuq il-valuri veri tal-partit u b’viżjoni akbar lejn dak li jagħmel effett veru mal-elettorat. Programmi aktar indirizzati biex iwieġbu għar-realtajiet soċjali. Wara kien hemm Boris Johnson (2019-2022), li fi ftit snin ħarbat kull ma kien inbena. Rikeb fuq waħda mill-agħar deċiżjonijiet politiċi li l-pajjiż seta’ qatt ħa: dik li joħroġ lil pajjiżu mill-Unjoni Ewropea u aġixxa b’mod mill-aktar żbaljat. Sija fl-aġir personali tiegħu, kif ukoll fil-fatt li għażel li ma jobdix il-liġijiet li huwa stess kien ġieb fis-seħħ. Spiċċa proprju li minħabba dak li daħal fih, dak li huwa magħruf bħala “Partygate”, kellu mhux biss jirriżenja minn Prim Ministru, iżda wkoll minn deputat parlamentari. Warajh ġiet Liz Truss (2022), li ma tantx damet sforz l-ideat u l-politika ekonomika diżastruża tagħha. Illum hemm Rishi Sunak (2022-2024), persuna deċenti mill-iktar serju, imma li l-wirt ta’ dak li wettqu ta’ qablu mhuwiex proprju jgħinu. Il-pajjiż deċiż li jagħlaq dan il-kapitolu politiku.

Wegħdiet

3. Tul dan iż-żmien, il-Partit Konservattiv għamel diversi proposti u wassal lill-pajjiż jemmen li ser ikun hemm qabżiet ekonomiċi u soċjali li llum huwa ċar li ma kienx hemm. Ir-Renju Unit jinsab f’diffikultajiet xejn faċli li jingħelbu u l-baħar huwa deċiżament imqalleb għal kull min ser jidħol fis-siġġu tal-poter. Id-deċiżjoni politika li joħroġ mill-Unjoni Ewropea qiegħed iħallas għaliha sew. Mhux biss, imma agħar f’dan hemm li diversi politiċi fi ħdan dak il-partit li kienu kontra l-Brexit, spiċċaw barra minnu. Diversi vuċijiet moderati u attenti sabu l-eżilju mill-partit li kienu tant ħadmu għalih. F’dan hemm ir-riżultat li l-Konservattivi għandhom taqlib fil-pajjiż sija fl-estern, kif ukoll fl-intern. Lura fl-Oppożizzjoni, u kif l-istorja tagħraf, iridu jgħaddu s-snin qabel ma jkunu kapaċi jsiru ruħhom lura b’mexxej politiku li jħares ’il quddiem.

Keir Starmer

4. F’dan, il-pajjiż qiegħed iħares ’il quddiem li jkun immexxi minn dan il-bniedem. F’dawn is-snin irnexxielu li mill-elezzjoni tal-2019 jibdel il-linja tal-Partit Laburista Ingliż lejn waħda aktar moderata u ċentrista. B’karriera fl-avukatura mexxa b’suċċess l-uffiċċju tal-prosekuzzjonijiet fil-pajjiż (Director of Public Prosecutions), fejn numru ta’ ministri u deputati Konservattivi tressqu quddiem il-Qorti Kriminali. Ġieb enfasi aqwa lejn id-drittijiet tal-bniedem u nsista wkoll li l-pożizzjoni fil-proċeduri legali tal-vittma tar-reat tkun aktar b’saħħitha. Persuna li kien favur li pajjiżu jibqa’ fl-Unjoni Ewropea u kien parti minn “Britain Stronger in Europe”. Jidher li ser naraw programm ibbażat fuq iktar valuri u trasparenza politika. Bniedem sod u mhux mitluf fir-retorika, b’dożi ta’ rettitudni morali evidenti. Saqajh ferm aktar mal-art u deċiż li jwettaq bidliet ta’ ġustizzja soċjali għal dawk l-iktar ’l isfel fis-soċjetà.

Kemm ser jirnexxilu

5. F’dan, il-kampanja elettorali hija effettiva ħafna b’messaġġ sempliċi u dirett: “Change will only happen if you vote for it.” Għandu quddiemu pajjiż li qiegħed f’pożizzjonijiet soċjali u ekonomiċi mhux wisq tajba, bil-kwistjoni Brexit kontinwament fid-dell. B’Shevaun Haviland, vuċi influwenti ħafna u preżentement Direttur Ġenerali tal-British Chamber of Commerce tgħid: “UK must stop ‘walking on eggshells’ over post-Brexit deals.”, fl-għarfien sħiħ li hemm bżonn ta’ ftehim aħjar mal-Unjoni Ewropea għax: “The current plan isn’t working for members. A better deal is best for everyone.” Kollox ser ikun ikkumplikat u ser jiddependi wkoll fuq x’maġġoranza parlamentari jirnexxilu jkollu.

Distakk mill-estremi

6. Mhux biss, imma hemm ukoll ġlieda kontra linji politiċi li marru lejn l-estrem, li jrid jiffaċċja. Fosthom x’ser ikollu deputati l-partit tal-esaġerat Nigel Farage, Reform UK. Il-bniedem li daħħal wisq estremiżmi fil-politika nazzjonali Ingliża u huwa responsabbli ta’ wisq kumplikazzjonijiet nazzjonalistiċi inutili. Kif ukoll dawk iktar viċin, bħall-kandidatura indipendenti u xi ftit skomda ta’ dak li qabel kien il-Kap tal-Partit Laburista, Jeremy Corbyn (1949). Politiku li mill-1983 sal-aħħar elezzjoni, u għal dawn l-aħħar wieħed u tletin sena serva lil Islington North u li issa qiegħed jikkontesta mill-ġdid għal rasu. Pass li qiegħed iġib qasma f’din il-kostitwenza fi ħdan il-partit, li wara mhix ser tkun faċli li ssewwi lura.

Issa naraw

7. Fl-4 ta’ Lulju nkunu nafu fejn sejjer ir-Renju Unit, u jekk dak li qiegħed jiġi mbassar huwiex ser iseħħ jew le. Ċertament, il-pajjiż għandu bżonn bidliet kbar. Kemm jirrealizza dan hija ħaġa oħra. Kemm, wara, ser ikun lest li jaffronta d-deċiżjonijiet iebsa, daqshekk ieħor iebes. Il-fatt, però, jkun li jekk jgħaddu l-ewwel tlett xhur b’maġġoranza soda u bi programm soċjali, Keir Starmer ser iżid fil-popolarità u r-rispett. F’dan kollu, waqt li nawguraw lil dan il-poplu li aħna viċin tiegħu futur aħjar, nistennew biex nifhmu x’bidliet effettivi sejrin naraw iseħħu.

TASTIERA FL-ISTABBILTÀ

1. Smajna, u sa ċertu punt qrajna, dwar il-fatt li tul din is-sena konna ser naraw l-akbar parti tad-dinja tmur tivvota. Kellna diġà ħafna skedati u żdiedu oħrajn, bħal dawk fir-Renju Unit u fi Franza. Nafu anki li fejn l-elettorat huwa żgħir, jew relattivament hekk ikkunsidrat, għandek xorta diversi ntoppi u problemi. Meta jiġu dawk il-jiem, uħud jitilfu l-għaqal u jaġixxu mhux proprju kif titlob id-demokrazija. Għalhekk kull elezzjoni ġenerali jew presidenzjali li ssir u tgħaddi tkun suċċess meta joħroġ ir-riżultat u dan jiġi aċċettat mill-partiti li jkunu ħadu sehem. Kif nafu, kellna u għad għandna f’daqqa tlett appuntamenti importanti li fihom jinvolvu l-miluni ta’ nies. Tnejn għaddew diġà; it-tielet għadu ġej.

Miljuni

2. Aħna wkoll ħadna sehem fl-elezzjoni tal-Parlament Ewropew, li kienet tinvolvi l-miljuni fl-Unjoni. Però, ftit qabel għaddiet dik fl-Indja, u issa lejn Novembru ser ikun hemm l-elezzjoni Presidenzjali fl-Istati Uniti tal-Amerika. Iktar ma jkun hemm min jista’, u fl-aħħar ukoll irid jivvota, iktar trid attenzjoni u organizzazzjoni. Dawk Ewropej mod u l-istess dawk Amerikani, imma dawk f’pajjiż kbir bħall-Indja fil-kontinent Asjatiku, aktar. Fil-fatt, l-elezzjoni f’dak il-pajjiż ma ssirx f’ġurnata waħda, imma tieħu t-tul. Bdiet fid-19 ta’ April u baqgħet sejra sal-1 ta’ Ġunju. Kienu eliġibbli li jivvutaw madwar 968 miljun persuna u effettivament xeħtu l-vot tagħhom 642 miljun. Pajjiż kibr, b’kumplikazzjonijiet varji, imma li mill-1949 ma marx lura mill-impenn demokratiku tiegħu. Forsi mertu taż-żewġ partiti l-kbar, dak tal-Kungress u l-BJP (Bharatya Janata Party) li kien hemm stabbiltà f’soċjetà mimlija kontradizzjonijiet, b’estremi soċjali u ekonomiċi preżenti.

Riżultat

3. F’ċertu sens, dan kien differenti minn dak li kien qiegħed jiġi mistenni, speċjalment minn Narendra Modi, il-Prim Ministru attwali u l-partit tiegħu, il-BJP. Fit-tielet leġislatura tiegħu ra tnaqqis fil-membri parlamentari eletti. Minn 303 li kellu niżel għal 240. Xorta forza b’saħħitha li ser tippermettilu, din id-darba, b’dipendenza ftit akbar fuq il-partiti alleati, li jkompli jmexxi. Fir-realtà baqa’ b’segwitu elettorali qawwi: minn 37.3% tal-votanti fl-elezzjoni preċedenti għal din id-darba b’36.5%. Telf marġinali għall-politiku li ilu, bħala l-erbatax-il Prim Ministru tal-pajjiż, imexxi minn Mejju tal-2014. Biss, waqt li qabel dak il-kunsens elettorali servieh għal 56% tas-siġġijiet parlamentari, din id-darba mar għal 44%.

Fatturi

4. F’dan xorta hemm żewġ fatturi ta’ stabbiltà. L-ewwel: li qiegħed ikompli jmexxi maġġoranza stabbli; u tieni, li l-proċess sħiħ għadda bażikament sew sabiex id-demokrazija kompliet tafferma ruħha. Kif The Economist kien pożittiv u ddikjara: l-ewwel li: “Shock election result for the better”, u wara faħħar lill-elettorat billi qal hekk: “The world’s biggest electorate has just shown how democracy can rebuke out-of-touch political elites, limit the concentration of power, change a country’s destiny.” (L-ikbar elettorat fid-dinja għadu kif wera li jista’ jċanfar lill-elite politiku li huwa maqtugħ, jikkontrolla l-poter u jibdel destin ta’ pajjiż.) Sinjali importanti għal dak fl-ekonomija mondjali.

Mhux mistenni

5. Il-partit tal-Prim Ministru huwa wieħed li huwa mwieled fuq dak li huwa dikjarat bħala “umaneżmu integrali”, b’ideat prevalenti marbuta ma’ nazzjonaliżmu Hindu. Imma fir-realtà hemm ġabriet ta’ programmi li f’mument minnhom jiddikjaraw ruħhom liberati mill-ħakmiet passati fuq il-pajjiż. Dawk li fuq naħa jħarsu lejn id-Dominji, Iżlamiċi, tal-Imperu Ingliż u dawk li s-Soċjaliżmu tal-Partit tal-Kungress għadda. Fuq l-oħra, il-fatt li l-pajjiż jidher li mexa ’l quddiem b’infrastruttura aħjar, u bi progress f’dak li jissejjaħ “digital welfare systems” għal dawk l-iktar ’l isfel fis-soċjetà. Il-pajjiż mexa ’l quddiem b’mod ġenerali u dan għal dawn l-aħħar żewġ leġislaturi ngħata l-kredtu tal-konċentrazzjoni fil-poter ta’ Narendra Modi, li issa għandu tlieta u sebgħin sena. Proprju għalhekk, quddiem dan l-avviż diversi argumentaw li r-riżultat ma kienx mistenni.

L-Oppożizzjoni

6. Fuq in-naħa l-oħra, il-Partit tal-Kungress, li huwa dak li tradizzjonalment mexxa ’l-pajjiż għal ħafna snin, f’dawn l-elezzjonijiet ġie vantaġġat. Il-mexxej preżenti, Rahul Gandhi (1970), bin ġenituri politiċi, f’dawn irreġistra żieda fis-siġġijiet. Minn tnejn u ħamsin fl-2019, issa qiegħed disa’ u disgħin wieħed. Avvanz li ġieb lill-partit lura biex jista’ jħares lejn l-appuntamenti elettorali li ġejjin b’iktar kunfidenza. Iktar u iktar meta l-kritika lejn il-BJP hija indirizzata lejn il-fatt li hemm inqas impjiegi tajba, b’diskriminazzjoni soċjali kontra l-Musulmani, b’numru ta’ passi li fihom l-istituzzjonijiet demokratiċi ġew ikkontrollati, b’persekuzzjoni u forom ta’ oppressjoni lil parti mill-medja nazzjonali. Passi li wħud identifikawhom ma’ partiti tal-lemin estrem. Li huwa stramb meta wieħed jikkunsidra li Modi ġej minn klassi soċjali fqira u allura minnu wieħed kien jistenna iktar passi sabiex min huwa ’l isfel jitla’ ’l fuq.

Futur

7. Huwa f’dawn il-mumenti, meta l-pożizzjoni ssir aktar diffiċli u mimlija sfidi, li wieħed jara jekk mexxej għandux l-abbiltajiet jimxi, u anzi f’dan il-każ, ikompli jimxi. Għandna interess f’dan. Pajjiżna għandu rabtiet varji ma’ dan il-poplu. Wieħed jista’ jħares sabiex dawn jiżdiedu. Hemm ferm aktar x’wieħed għandu jagħmel. Hemm potenzjali kbar, sija fl-aspett turistiku, kif ukoll dawk ekonomiċi. F’dan ukoll wieħed irid iżomm quddiem għajnejh il-fatt li kellna numru ta’ missjunarji li marru u għadhom preżentement hemmhekk, li jistgħu jiġu apprezzati aħjar għal ħidmiethom. Kif ukoll, iktar direttament, is-sehem li dan il-pajjiż jista’ jkompli joffri sabiex ikun hemm ftehim fil-gwerra li għaddejja ġewwa l-Ukrajna. M’hemmx dubju f’dan li l-Indja hija importanti fid-dinja tagħna. Punt li għandna napprezzaw ferm iktar għaliex huwa tastiera vitali fl-istabbiltà mondjali.