14080. L-ONOR. CARMELO MIFSUD BONNICI staqsa lill- Ministru għall-Intern, is-Sigurtà Nazzjonali u l-Infurzar tal-Liġi: Jista’ l-Ministru jinforma l-Kamra x’programmi u diskussjonijiet qed isiru mal-UNCHR preżentament u x’hemm programmat għal tul din is-sena? Jista’ jikkonferma li tul dawn l-ewwel xhur baqax jingħata aċċess lill-uffiċjali tagħha fiċ-ċentri ta’ detenzjoni?
28/04/2020
ONOR. BYRON
CAMILLERI: Hemm kollaborazzjoni sħiħa bejn il-gvern, l-aġenziji
tiegħu li jaħdmu fis-settur tal-immigrazzjoni u l-UNHCR. Saħansitra l-UNHCR
tkun involuta sa mill-bidu meta jkun hemm wasla immigranti f’pajjiżna u tieħu
ħsieb ukoll sessjonijiet ta’ informazzjoni.
Isiru wkoll għadd ta’ laqgħat
regolari, speċjalment bejn l-AWAS (Agency for the Welfare of Asylum Seekers) u
l-UNHCR, fejn iż-żewġ naħat jaqsmu flimkien l-esperjenzi u l-ideat tagħhom.
Hemm ukoll ċirkostanzi fejn
il-UNHCR tiffinanzja proġetti li l-għan aħħari tagħhom ikun servizz f’ċentri li
għandna f’pajjiżna. Normalment dawn jinħadmu permezz ta’ NGOs oħra.
Kien hemm ukoll
kolaborazzjoni f’dan il-perjodu fejn id-dinja inħakmet mill-imxija tal-COVID19,
fejn il-UNHCR provdiet anke materjal b’lingwi differenti bil-għan li
l-immigranti jkunu infurmati aħjar dwar il-miżuri li għandhom jittieħdu. Li
l-UNHCR iżżur iċ-ċentri hija xi ħaġa normali. Kien biss wara Marzu, bħala
prekawzjoni minħabba l-imxija tal-COVID 19, li ċ-Ċentru ta’ Detenzjoni waqqaf
iż-żjarat minn kwalunkwe organizzazzjoni u individwi. Dan sar biex ir-residenti
jkunu mħarsa minn dan il-virus.
Seduta 328
11/05/2020
No comments:
Post a Comment