13825. L-ONOR. CARMELO MIFSUD BONNICI staqsa lill- Ministru għall-Affarijiet Barranin u Ewropej: Jista’ l-Ministru jinforma lill-Kamra kemm persuni ta’ nazzjonalità differenti talbu sabiex jiġu assistiti biex jiġu ripatrijati tul ix-xahar ta’ Marzu u April 2020? Jista’ jindika dan nazzjonalità nazzjonalità?
20/04/2020
ONOR. EVARIST
BARTOLO: Ninforma lill-Onor. Interpellant li bejn ix-xhur ta’
Marzu u April, tlett elef, tlett mija u tmienja w ħamsin (3358) persuna ta’ nazzjonalità differenti talbu sabiex jiġu
assistiti biex jiġu ripatrijati permezz ta’ koordinament sħiħ bejn il-Ministeru
u l-Ambaxxati Barranin f’Malta.
Peress li l-assistenza li
ngħatat kienet tikkonsisti filli dawn il-persuni jittieħdu fl-ewwel ajruport
ċentrali fl-Ewropa minn fejn imbagħad setgħu ikomplu bil-vjaġġ
għad-destinazzjoni mixtieqa, il-Ministeru; anke minħabba provvedimenti marbuta
mal-protezzjoni tad-data; ġabar biss dik l-informazzjoni relatata ma’ liema
titjira minn Malta kull persuna għażlet li tieħu, u mhux għal-liema
destinazzjoni finali jew ta’ liema nazzjonalità kienet il-persuna.
Seduta 325
No comments:
Post a Comment