14091. L-ONOR. CARMELO MIFSUD BONNICI staqsa lill-
Ministru għall-Affarijiet Barranin u Ewropej: B’referenza għar-risposta
għall-mistoqsija parlamentari 11888, jista’ l-Ministru jinforma lill-Kamra
x’żviluppi ulterjuri kien hemm fir-rigward tal-ambaxxata ta’ pajjiŻna
fil-Ġappun u għalhekk jekk ġiex identifikat u magħżul bini opportun?
28/04/2020
ONOR. EVARIST
BARTOLO: Nixtieq ninforma lill-Onor. Interpellant li bini
opportun kien ġie identifikat wara ħidma mill-Ministeru u l-Ambaxxatur ta’
Malta għall-Ġappun. Wara li l-bini opportun ġie magħżul minn fost għadd ta’
propjetajiet u maqbul li dan jissodisfa l-kriterji mposti mill-Ministeru, bdew
negozjati biex jiġi iffirmat il-kuntratt biex ikun jista’ jinkera dan il-post
fid-distrett ta’ Shiroganedai f’Tokyo. Minħabba l-iżviluppi tal-Covid-19, dan
il-proċess kellu sfortunatament jiġi mwaqqaf għax is-sitwazzjoni ma kinitx
tippermetti li staff tekniku tal-gvern jitla’ l-Ġappun u peress li l-post kien
għall-kera, u sid il-kera ma setax jistenna iktar. Għaldaqstant il-proċess huwa
wieqaf u kollox irid jerġa jibda mill-bidu sakemm is-sitwazzjoni terga tiġi
għan-normal u l-vjaggi lejn il-Ġappun ikunu jistgħu jerġgħu jseħħu.
Seduta 330
13/05/2020
No comments:
Post a Comment