14086. L-ONOR. CARMELO MIFSUD BONNICI staqsa lill-Ministru għall-Ekonomija, Investiment u Negozji Żgħar: Jista’ l-Ministru jindika jekk kemm-il darba ż-żjarat kummerċjali li kellhom isiru lejn il-Ghana u l-Kosta tal-Avorju f’Marzu ta’ din is-sena humiex ser isiru iktar ‘il quddiem u jekk iva meta? Kemm kien hemm expressions of interest minn kumpaniji għal dawn iż-żjarat?
28/04/2020
ONOR. SILVIO
SCHEMBRI: Ninforma lill-Onor. Interpellant li ż-żjara
kummerċjali fil-Ghana seħħet bejn it-2 u l-5 ta’ Marzu 2020. Din iż-żjara
kienet immexxija mill-Ministru tal-Ekonomija, Investiment u Intrapriżi Żgħar.
TradeMalta ħarġet sejħa pubblika biex intrapriżi lokali jingħaqdu fuq din
iż-żjara u rżeviet interess mingħand 19-il intrapriża. Minn dawn, 17-il
intrapriża ngħaqdu ma TradeMalta għaż-żjara fil-Ghana. Ma dawn intrapriżi ngħaqdu
wkoll uffiċjali gholja minn 4 entitajiet pubbliċi u governattivi.
‘Għal raġunijiet li
TradeMalta ma kelliex kontroll fuqhom, iż-żjara lejn il-Kosta tal-Avorju ma
seħħietx u għalissa ma hemmx pjan li din iż-żjara sseħħ fil-futur.
Seduta 329
12/05/2020
No comments:
Post a Comment