14290. L-ONOR. CARMELO MIFSUD BONNICI staqsa lill-
Ministru għall-Agrikoltura, Sajd u Drittijiet tal-Annimali: Jista’ l-Ministru
jgħid x’passi ttieħdu favur u sabiex jgħinu numru ta’ bdiewa u raħħala li hemm
fil-Fgura u Ħal Tarxien invista tal-kriżi preżenti?
04/05/2020
ONOR. ANTON
REFALO: Ninforma lill-Onorevoli Interpellant illi l-Ministeru għall-Agrikoltura, Sajd u
Drittijiet għall-Annimali jaħdem sabiex imexxi ‘l quddiem l-agrikoltura Maltija
u Għawdxija u ma jagħmilx distinzjoni bejn raħal u ieħor.
Sabiex jixpruna s-settur
agrikolu, il-gvern fassal politika agrikola nazzjonali illi tagħti direzzjoni
lis-settur għas-snin li ġejjin. Din il-politika fiha numru ta’ miżuri li jħarsu
lejn varji aspetti bħal dawk ekonomiċi, soċjali, ta’ governanza, kif ukoll
immaniġġjar ta’ riżorsi.
Wieħed mill-aspetti ta’ din
il-politika li jindirizza l-sfidi ta’ dan is-settur huwa l-promozzjoni ta’
prodotti ta’ kwalita’. Il-passi li ttieħdu minn meta tnedhiet l-Istrategija
Nazzjonali jinkludu il-Kampanja Wines of
Distinction immirata lejn promozzjoni ta’ inbejjed ta’ kwalità u
l-introduzzjoni u l-promozzjoni ta’ skema ta’ kwalità għall-prodotti agrikoli
f’Malta. F’dawn iż-żminijiet diffiċli, il-Ministeru nhieda kampanja mmirata
lejn l-apprezzament tax-xogħol tal-bidwi u r-raħhal Malti permezz tal-Kampanja
‘Agħżel il-frisk, Agħżel il-bnin’.
Il-Ministeru qed jagħmel
studju sabiex jiġi eżaminat l-impatt ekonomiku ta’ COVID-19 fuq is-settur
sabiex ikun jista’ jfassal skemi ta’ għajnuna.
Seduta 336
27/05/2020
No comments:
Post a Comment