13828. L-ONOR. CARMELO MIFSUD BONNICI staqsa lill-Ministru għall-Affarijiet Barranin u Ewropej: Jista’ l-Ministru jinforma lill-Kamra kemm kien hemm ċittadini Maltin li qed jgħixu fil-Portugall u Spanja sal-aħħar tas-sena li għaddiet 2019?
20/04/2020
ONOR. EVARIST
BARTOLO: Infurmat li l-Ministeru jżomm biss għal perjodu
stipulat kopji tar-registrazzjoni volontarja tan-Notifika ‘D’ li hija mmirata
għal Maltin li jgħixu għal perjodu ta’ żmien barra minn Malta għal finijiet ta’
btala, xogħol u raġunijiet oħra.
Għaldaqstant l-informazzjoni
li għandu l-Ministeru ma tirriflettix in-numri reali ta’ Maltin li jgħixu barra
minn Malta fil-pajjiżi elenkati hawn fuq, imma tindika biss dawk il-persuni li
rreġistraw id-dettalji tagħhom mal-Ministeru b’mod volontarju.
Skont l-informazzjoni li
għandu l-Ministeru mill-applikazzjonijiet mibgħuta għal reġistrazzjoni
volontarja għal Ċittadini Maltin li jsiefru jew jgħixu Barra minn Malta
(Notifika ‘D’), fil-Portugall hemm jgħixu għaxar (10) Maltin; filwaqt li fi
Spanja hemm jgħixu tmin (8) Maltin rispettivament.
Seduta 326
05/05/2020
No comments:
Post a Comment