14084. L-ONOR. CARMELO MIFSUD BONNICI staqsa lill- Ministru għall-Affarijiet Barranin u Ewropej: Jista’ l-Ministru jinforma lill-Kamra kemm-il darba ltaqa’ l-Joint Commission bejn pajjiżna u l-Alġerija f’dawn l-aħħar sentejn u x’kienu t-temi li ġew diskussi?
28/04/2020
ONOR. EVARIST
BARTOLO: Infurmat li l-ħames sessjoni tal-Kummissjoni Konġunta
Malta-Alġerija ġiet organizzata f’Malta mit-18 sad-19 ta’ Diċembru 2018. Il-Kummissjoni Konġunta kienet ko-preseduta
mill-Ministru għall-Affarijiet Barranin u l-Promozzjoni tal-Kummerċ, l-Onor.
Carmelo Abela, u l-Ministru għall-Enerġija tar-Repubblika Demokratika tal-Poplu
ta’ Alġerija, l-E.T.Mustapha Guitoni.
Din is-sessjoni laqgħet iktar
minn 50 delegat tekniku minn diversi setturi biex tiddiskuti t-titjib
tal-koperazzjoni u l-iskambju ta 'għarfien espert f'għadd ta' oqsma ta
'interess reċiproku fosthom, is-saħħa, l-ambjent, l-enerġija, l-ilma,
l-edukazzjoni u t-taħriġ kif ukoll l-ekonomija, l-industrija. u l-kummerċ.
Ir-riattivazzjoni
tal-Kummissjoni Konġunta kienet żvillup importanti fir-relazzjonijiet tagħna
mal-Alġerija, peress li reġgħet ġiet attivata wara assenza ta' 30 sena.
Seduta 328
11/05/2020
No comments:
Post a Comment