20209. L-ONOR. CARMELO MIFSUD BONNICI staqsa lill-
Ministru għall-Akkomodazzjoni Soċjali: Jista’ l-Ministru jinforma l-Kamra kemm
persuni bbenefikaw matul is-sena li għaddiet 2020 f’Wied il-Għajn mis-sussidju
fuq il-kirjiet u kemm kienet l-ispiża?
22/03/2021
ONOR. RODERICK
GALDES: Ninforma lill-Onor. Interpellant li fis-sena 2020
ibbenefikaw 135 familja minn Wied il-Għajn mis-sussidju fuq il-kirjiet.
L-ispiża kienet ta’ €256,689.28.
Seduta 447
13/04/2021
20208. L-ONOR. CARMELO MIFSUD BONNICI staqsa lill-
Ministru għat-Turiżmu u l-Protezzjoni tal-Konsumatur: Jista’ l-Ministru jieħu
ħsieb li Ġnien il-Mediterran f’Raħal Ġdid jiġi kkurat, is-siġar jiġu miżbura u
jkunimnaddaf u jkun hemm sorveljanza fl-istess post?
22/03/2021
ONOR. CLAYTON
BARTOLO: Nirreferi lill-Onor. Interpellant biex jagħmel
il-mistoqsija tiegħu lill-Ministru kkonċernat.
Seduta 447
13/04/2021
20207. L-ONOR. CARMELO MIFSUD BONNICI staqsa lill-
Ministru għall-Ambjent, it-Tibdil fil-Klima u l-Ippjanar: Jists’ l-Ministru
jieħu ħsieb li Ġnien il-Mediterran f’Raħal Ġdid jiġi kkurat, is-siġar jiġu
miżbura u jkun imnaddaf u jkun hemm sorveljanza fl-istess post?
22/03/2021
ONOR. AARON
FARRUGIA: Nitlob lill-Onor. Interpellant jirreferi l-mistoqsija
tiegħu lill-Ministru konċernat.
Seduta 447
13/04/2021
20206. L-ONOR. CARMELO MIFSUD BONNICI staqsa lill-
Ministru għall-Akkomodazzjoni Soċjali: Jista’ l-Ministru jinforma l-Kamra kemm
persuni bbenefikaw matul is-sena li għaddiet 2020 fiż-Żejtun mis-sussidju fuq
il-kirjiet u kemm kienet l-ispiża?
22/03/2021
ONOR. RODERICK
GALDES: Ninforma lill-Onor. Interpellant li fis-sena 2020
ibbenefikaw 124 familja miż-Żejtun mis-sussidju fuq il-kirjiet. L-ispiża kienet
ta’ €262,995.16.
Seduta 447
13/04/2021
20205. L-ONOR. CARMELO MIFSUD BONNICI staqsa lill-
Ministru għat-Trasport, l-Infrastruttura u l-Proġetti Kapitali: Jista’
l-Ministru jinforma l-Kamra kemm hemm barklori reġistrati u liċenzjati u jekk
humiex jiġu mħallsa skont il-liġi?
22/03/2021
ONOR. IAN
BORG: Ninforma lill-Onor. Interpellant li ninsab infurmat mill-Awtorità
tat-Trasport li skont ir-reġistru tad-dgħajjes kummerċjali, hemm 28 dgħajsa
tal-pass irreġistrata b’mod kummerċjali u 23 operatur li joperaw dawn it-tip
ta’ dgħajjes.
Seduta 447
13/04/2021
20204. L-ONOR. CARMELO MIFSUD BONNICI staqsa lill-
Ministru għall-Intern, is-Sigurtà Nazzjonali u l-Infurzar tal-Liġi: B’referenza
għar-risposta għall-mistoqsija parlamentari 19987, l-informazzjoni mitluba hija
kemm ġew reġistrati petizzjonijiet quddiem il-Bord tal-Petizzjonijiet u kemm
ġew deċiżi, kemm għadhom pendenti, kemm ġew milqugħa u kemm irrifjutati
għas-sena li għaddiet 2020?
22/03/2021
ONOR. BYRON CAMILLERI: Nirreferi lill-Onor
Interpellant għat-tabella t’hawn taħt.
|
PQ 20204: Petizzjonijiet Registrati
fl-2020, hekk kif processati sal-5 ta
April 2021 |
|||
|
|
|
|
Total |
|
|
|
|
|
|
Mhux Milqugha |
|
|
12,841 |
|
Milqugha |
|
|
7,151 |
|
Milqugha Parzjalment |
|
|
247 |
|
Ma tistax tigi Processata |
|
|
1,233 |
|
Irtirata fit-tribunal |
|
|
4 |
|
Decizjoni Pendenti |
|
|
266 |
|
Total |
|
|
21,742 |
Seduta 447
13/04/2021
20792. L-ONOR. CARMELO MIFSUD BONNICI staqsa lill-Ministru għall-Intern, is-Sigurtà
Nazzjonali u l-Infurzar tal-Liġi: Jista’ l-Ministru jgħid kemm ġew rilokati
refuġjati u persuni li ħaqqhom protezzjoni fl-ewwel erba’ xhur tas-sena?
28/04/2021
ONOR. BRYON CAMILLERI: Ninfroma lill-Onor Interpellant li t-tweġiba ser tingħata
f’seduta oħra.
Seduta 455
03/05/2021
20791. L-ONOR. CARMELO MIFSUD BONNICI staqsa lill-Ministru għall-Intern, is-Sigurtà
Nazzjonali u l-Infurzar tal-Liġi: Jista’ l-Ministru jgħid kemm ġew ripatrijati
immigranti irregolari fl-ewwel erba’ xhur tas-sena?
28/04/2021
ONOR. BRYON CAMILLERI: Ninfroma lill-Onor Interpellant li t-tweġiba ser tingħata
f’seduta oħra.
Seduta 455
03/05/2021
20790. L-ONOR. CARMELO MIFSUD BONNICI staqsa lill-Ministru għall-Intern, is-Sigurtà
Nazzjonali u l-Infurzar tal-Liġi: Jista’ l-Ministru jgħid preżentement kemm
hemm persuni fiċ-Ċentri ta’ Detenzjoni u Ċentri Miftuħa?
28/04/2021
ONOR. BYRON CAMILLERI: Infurmat li fil-preżent hemm 2,001 persuna fiċ-ċentri ta’
detenzjoni u ċentri miftuħa.
Seduta 455
03/05/2021
20789. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u
l-Gvern Lokali: Jista’ l-Ministru jgħid jekk sarx inventarju u elenku sħiħ
tal-kollezzjoni tar-ritratti magħrufa bħala "Karmenu Fava Collection?
Jista’ jinforma jekk din hiex aċċessibbli għall-pubbliku?
28/04/2021
ONOR. JOSÈ
HERRERA: Ninforma lill-Onor. Interpellant illi ninsab infurmat
li l-Arkivji Nazzjonali bħalissa għaddejjin bix-xogħol fuq il-katalgu tal-Kollezzjoni
Ray Fava, li hi waħda estensiva u li tikkonsisti f’albums, ritratti, kif ukoll
eluf ta’ ritratti fuq format ta’ negattivi f’rollijiet. Il-kollezzjoni ser tkun
aċċessibbli għall-pubbliku hekk kif ikun lest il-katalgu.
Seduta 455
03/05/2021
20788. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u
l-Gvern Lokali: Jista’ l-Ministru jgħid f'kemm hemm dokumenti fil-kollezzjoni
magħrufa bħala Ġuljana Letard-Ciantar? Jista’ jindika jekk sarx inventarju sħiħ
tagħhom u jekk għandhomx restawr? Jista’ jindika wkoll jekk id-dokumenti humiex
għad-dispożizzjoni tal-pubbliku?
28/04/2021
ONOR. JOSÈ
HERRERA: Ninforma lill-Onor. Interpellant illi ninsab infurmat
li l-kollezzjoni Ġuljana Letard-Ciantar tikkonsisti f’1009 volum kif ukoll
ammont ta’ dokumenti sfużi. Bħal f’kull
każ ta’ kollezzjoni li tasal fl-Arkivji Nazzjonali, din il-wasla tiskatta
diversi proċessi arkivistiċi. Dawn
jikkonsistu f’tindif preliminari, katalogar, konservazzjoni professjonali jekk
ikun hemm bżonn, diġitaliżazzjoni jekk ikun hemm bżonn u finalment ftuħ għal
pubbliku. F’dan il-każ ġew assenjati
żewġ arkivisti professjonali li ħadmu fuq din il-kollezzjoni. Tlesta l-katalgu preliminari u bħalissa qed
tiddaħħal din l-informazzjoni f’katalgu elettroniku. Il-kollezzjoni għada mhux miftuħa għal
pubbliku, iżda hu maħsub li dan isir sal-aħħar ta’ din is-sena.
Seduta 455
03/05/2021
20723. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u
l-Gvern Lokali: Jista’ l-Ministru jgħid jekk il-Ministeru tiegħu huwiex jiġu
kkonsultat dwar ix-xogħlijiet neċessarji f’Wied Blandun, il-Fgura?
23/04/2021
ONOR. JOSÈ
HERRERA: Ninforma lill-Onor. Interpellant li l-informazzjoni qed tinġabar u tinagħta
f’seduta oħra.
Seduta 455
03/05/2021
20869. L-ONOR. CARMELO MIFSUD BONNICI staqsa lill-
Ministru għall-Wirt Nazzjonali, l-Arti u l-Gvern Lokali: B’referenza
għall-mistoqsija parlamentari 20212, jista’ l-Ministru jgħid x’passi se jkunu
qed jitfasslu sabiex wara li jkun lest il-Paola Hub, il-ġirien ikollhom
faċilitajiet biex jipparkjaw mingħajr spejjeż?
30/04/2021
ONOR. JOSÈ HERRERA: Nitlob lill-Onor.
Interpellant sabiex jindirizza l-Mistoqsija tiegħu lill-Ministru konċernat.
Seduta 457
05/05/2021
20868. L-ONOR. CARMELO MIFSUD BONNICI staqsa lill-
Ministru għat-Trasport, l-Infrastruttura u l-Proġetti Kapitali: B’referenza
għall-mistoqsija parlamentari 20211, jista’ l-Ministru jgħid x’passi ġew
preparati sabiex waqt it-tkomplija tax-xogħol u wara li jkun lest il-Paola Hub,
il-ġirien ikollhom faċilitajiet biex jipparjkaw u mingħajr spejjeż?
30/04/2021
ONOR. IAN BORG: Kif
diġà spjegajt fit-tweġiba għall-mistoqsija parlamentari 20211 tal-istess
Onorevoli membru, temporanjament f’din iż-żona qed isiru xogħolijiet fuq
il-Paola Medical Hub, li huwa proġett tal-Ministeru tas-Saħħa kif ukoll
xogħlijiet ta’ titjib fis-sistemi tas-servizzi taħt l-art minn Infrastructure
Malta bħala parti mit-tħejjijiet għall-istess proġett. Minħabba li saru trinek
fondi madwar żewġ sulari kien hemm bżonn li jittieħdu spazji ta’ xi parkeġġi
biex ix-xogħol ikun jista’ jsir b’mod sigur mingħajr ma t-triq tingħalaq
kompletament. Malli jitlestew dawn ix-xogħlijiet, l-aġenzija se terġa’ tibni
l-bankini u tiksi l-wiċċ tat-triq b’diversi saffi t’asfalt biex l-ispazju
fit-triq jerġa’ lura għal li kien. Infurmat ukoll li fil-viċinanzi ta’ din
iż-żona jinsab parkeġġ li huwa amministrat mill- Kunsill Lokali.Il-mistoqsija
għandha tiġi referruta lil Ministeru Kkonċernat.
Seduta 457
05/05/2021
20867. L-ONOR. CARMELO MIFSUD BONNICI staqsa lill-
Deputat Prim Ministru u Ministru għas-Saħħa: B’referenza għall-mistoqsija
parlamentari 20213, jista’ d-Deputat Prim Ministru u Ministru għas-Saħħa jgħid
x’passi se jkun hemm biex meta l-Paola Hub ikun lest, il-ġirien ikollhom
faċilitajiet adegwati biex jipparkjaw u li ma jkollhomx bżonn iħallsu spejjeż?
30/04/2021
ONOR. CHRIS
FEARNE: Ninforma lill-Onor. Interpellant illi parti
mill-ispazji tal-parkeġġ pubbliċi tal-Vincent
Moran Paola Regional Hub se jkunu aċċessibbli għal kulħadd u se jkunu bla
ħlas.
Seduta 457
05/05/2021
20866. L-ONOR. CARMELO MIFSUD BONNICI staqsa lill-
Ministru għat-Trasport, l-Infrastruttura u l-Proġetti Kapitali:
B’referenza għall-mistoqsija
parlamentari 20370, jista’ l-Ministru jikkonsidra li billi xorta hemm
inkonvenjent kbir għall-ġirien, ikun hemm pjan u ordni aqwa biex dan jonqos
drastikament?
30/04/2021
ONOR. IAN BORG: Nitlob
lill-Onor. Interpellant jirreferi għal mistoqsija parlamentari 20370 ta’ Seduta
451.
Seduta 457
05/05/2021
21129. L-ONOR. CARMELO MIFSUD BONNICI staqsa lill-Ministru għall-Edukazzjoni: Tista’
l-Ministru tgħid kemm kien hemm student Universitarji li tul dawn l-erba’ snin
kienu reġistrati għall-Kors ta’ Diploma in the Laws of Procedures u jekk dan
baqax jiġi organizzat kull sena?
13/05/2021
ONOR. JUSTYNE
CARUANA: Infurmata li l-Kors ta' Diploma in the Laws of
Procedures sar kull sena u fl-aħħar erba' snin kien hemm 79 student li segwew
dan il-kors.
Seduta 463
19/05/2021
21128. L-ONOR. CARMELO MIFSUD BONNICI staqsa lill-Ministru għall-Edukazzjoni: Tista’
l-Ministru tgħid kemm kien hemm studenti fl-Università ta’ Malta li tul dawn
l-aħħar erba’ snin, attendew għall-Kors tal-Medjazzjoni u għall-grad ta’
Masters fl-istess linja?
13/05/2021
ONOR. JUSTYNE
CARUANA: Infurmata li għall-kors ta' Master of Arts in
Mediation, li fetaħ biss fis-sena akkademika 2020/21, bħalissa hemm għaxar
studenti reġistrati.
Seduta 463
19/05/2021
21127. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u
l-Gvern Lokali: Jista’ l-Ministru jgħid x’xogħol qiegħed isir f’Triq il-Baħrija
Ħaż-Żabbar u kemm ser idum għaddej?
13/05/2021
ONOR. JOSÈ
HERRERA: Nitlob lill-Onor. Interpellant sabiex jirreferi
għat-tweġiba għall-Mistoqsija Parlamentari numru 21126.
Seduta 463
19/05/2021
21126. L-ONOR. CARMELO MIFSUD BONNICI staqsa lill-Ministru għat-Trasport, l-Infrastruttura
u l-Proġetti Kapitali: Jista’ l-Ministru jgħid x’xogħol qiegħed isir f’Triq
il-Baħrija Ħaż-Żabbar u kemm ser idum għaddej?
13/05/2021
ONOR. IAN
BORG: Bit-twaqqif ta’ Infrastructure Malta t-titjib fl-infrastruttura ta’
pajji¿na jinsab fuq quddiem nett tal-ħidma ta’ dan il-Gvern. Dan l-impenn qed
jitwettaq permezz ta’ pjan ta’ ħidma b’investiment bla preċedent biex fis-snin
li ġejjin inkomplu ntejbu l-kwalità, l-effiċjenza u s-sigurtà
tal-infrastruttura tat-toroq fil-pajjiż. Dan il-pjan qed jiġi mwettaq b’mod
gradwali, iżda mingħajr telf ta’ ħin, sabiex nilħqu din il-mira mill-aktar fis.
Infrastructure Malta qed
twettaq ħafna proġetti biex ittejjeb is-sigurezza u s-sostenibilità tas-sistema
tat-toroq ewlenin, toħloq infrastruttura ta’ kwalità u ambjent aħjar fit-toroq
residenzjali f’kull lokalità u tibni mill-ġdid ukoll ħafna toroq sekondarji
oħra, fosthom kilometri ta’ toroq rurali fil-kampanja. Dan l-investiment diġa
qed iħalli l-frott mixtieq, b’diversi toroq residenzjali mibnija mill-ġdid u
b’ħafna proġetti ta’ titjib fit-toroq ewlenin tas-sistema tat-trasport bl-art
f’pajjiżna.
Fil-ftit żmien kemm ilha li
twaqqfet, Infrastructure Malta diġà bniet mill-ġdid u għamlet titjib f’aktar
minn 500 triq. Matul l-2020 bniet mill-ġdid mal-155 triq residenzjali madwar
Malta, jiġifieri medja ta’ tliet toroq kull ġimgħa. Bħalissa għaddejjin
xogħlijiet f’madwar 50 triq oħra.
Fil-lokalità ta’ Ħaż-Żabbar
Infrastructure Malta diġà bniet mill-ġdid Triq Francis X. Attard, Triq Ħadd-
in-Nies, Triq in-Naħla, Sqaq San Franġisk, Trejqet San Franġisk, Triq bla isem
fi Triq San Ġużepp,Triq is-Serer, Triq in-Newl, Triq ir-Rand, Triq il-Fikus,
Triq il-Ġiżimina u Triq Salvu Darmanin. Bħalissa qegħdin isiru Triq ix-Xgħajra,
Triq il-Madaffa, Triq il-Baħrija, Triq Żabrella, Triq id-Dliela, Triq Bieb
is-Sultan, Triq ġdida fi Triq is-Saħħara, Triq Alessio Erardi, Triq il-Luq,
Triq il-Figelu Triq il-Qaqoċċ, waqt li fix-xhur li ġejjin se jinbdew xogħlijiet
f’aktar toroq bħalma se jsir f’lokalitajiet oħrajn f’Malta.
Ix-xogħljiet fi Triq
il-Baħrija mistennija jistlestew fis-sajf u jinkludu tqegħid ta’ servizzi
tad-drenaġġ, titjib fis-sistemi taħt l-art għas-servizzi tal-ilma u
telekomunikazzjoni, servizzi tal-elettriku, kif ukoll bankini u tisħiħ tal-pedamenti
ta’ din it-triq qabel ma jsirilha wiċċ ġdid b’diversi saffi t’asfalt.
Intennu l-impenn tagħna li
nkomplu naħdmu bla heda biex nagħtu ambjent aħjar u kwalità ta’ ħajja aħjar
lill-familji fil-lokalitajiet kollha f’pajjiżna.
Seduta 463
19/05/2021
21109. L-ONOR. CARMELO MIFSUD BONNICI staqsa lill-Ministru għall-Intern, is-Sigurtà
Nazzjonali u l-Infurzar tal-Liġi: Jista’ l-Ministru jwieġeb il-mistoqsija
parlamentari 20792 jgħid kemm ġew rilokati refuġjati u persuni li ħaqqhom
protezzjoni fl-ewwel erba’ xhur tas-sena?
11/05/2021
ONOR. BYRON
CAMILLERI: Ninforma lill-Onor Interpellant li t-tweġiba ser
tingħata f’seduta oħra.
Seduta 463
19/05/2021
21108. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u
l-Gvern Lokali: Jista’ l-Ministru jwieġeb il-mistoqsija parlamentari 20721 u
ċjoè: B’referenza għar-risposta għall-mistoqsija parlamentari 20210, jista’
l-Ministru jgħid x’pjan ta’ ħidma hemm imfassal, sabiex l-attività tiġi msaħħa
biex Ġnien il-Meditteran f’Raħal Ġdid jinżamm aħjar?
11/05/2021
ONOR. JOSÈ
HERRERA: Ninforma lill-Onor. Interpellant illi ninsab infurmat
li l-Kunsill Lokali ta’ Raħal Ġdid iffirma memorandum
of understanding mal-Correctional
Services Agency, tal-Faċilita Korrettiva ta' Kordin, sabiex residenti
tal-istess faċilitá jassistu fi¿-¿amma tal-ġnien.
Qed jitkomplew ukoll
taħditiet ma’ bosta entitajiet governattivi sabiex isir ix-xogħol meħtieġ.
Seduta 463
19/05/2021
21332. L-ONOR. CARMELO MIFSUD BONNICI staqsa lill-Ministru għas-Solidarjetà u l-Ġustizzja Soċjali, il-Familja u d-Drittijiet tat-Tfal: B’referenza għat-tweġiba tal-mistoqsija parlamentari 21142, jista’ l-Ministru jgħid kemm huwa l-għadd ta’ familji benefiċċjarji li joqogħdu fir-Raba’ Distrett Elettorali? Possibbilment jista’ jgħid f’liema lokalitajiet joqogħdu?
20/05/2021
ONOR. MICHAEL FALZON: Ngħarraf lill-Onor.
Interpellant li, t-tagħrif mitlub minnhu huwa skont kif jidher fit-tabella
t’hawn taħt.
|
Lokalitajiet ta’ residenza fir-Raba’ Distrett
Elettorali: |
Numru ta 'każijiet maħduma Jan-Diċ 2020 |
|
Fgura (kollha) |
13 |
|
Gudja |
5 |
|
Paola |
16 |
|
Santa Lucija |
7 |
|
Tarxien |
12 |
|
Total |
53 |
N.B. Id-dejta teskludi persuni li jistgħu jkunu l-ħabs, bla dar jew f’xi
forma ta’ kenn.
Seduta 465
25/05/2021
21331. L-ONOR. CARMELO MIFSUD BONNICI staqsa lill-Ministru għall-Wirt Nazzjonali, l-Arti u
l-Gvern Lokali: Jista’ l-Ministru jgħid kemm-il rivista ħareġ il-Kunsill Lokali
ta’ Marsaskala matul is-snin 2018, 2019, 2020 sad-data li fiha tkun imwieġba
din il-mistoqsija sabiex jinfurmahom x’qiegħed jiġri fil-lokalità?
20/05/2021
ONOR. JOSÈ
HERRERA: Ninforma lill-Onor. Interpellant illi ninsab infurmat
mill-Kunsill Lokali ta’ Marsaskala li ġew ippubblika 3 rivisti fl-elfejn u
tmintax, u 3 rivisti fl-elfejn u dsatax. Fl-elfejn u għoxrin sad-data tal-lum,
il-Kunsill Lokali ma ppubblikax rivisti. Il-Kunsill Lokali għandu preżenza fuq
siti tal-media soċjali.
Seduta 465
25/05/2021
21330. L-ONOR. CARMELO MIFSUD BONNICI staqsa lill-Ministru għas-Solidarjetà u l-Ġustizzja
Soċjali, il-Familja u d-Drittijiet tat-Tfal: Jista’ l-Ministru jgħid in-numru
ta’ residenti minn Marsaskala li qed
jibbenefikaw minn xi forma ta’
benefiċċju soċjali u x’inhuma l-benefiċċji li qed jirċievu?
20/05/2021
ONOR. MICHAEL FALZON: Ninforma lill-Onor. Interpellant li, n-numru ta’
residenti minn Marsaskala li kienu jibbenifikaw minn benefiċċju soċjali
fix-xahar t’April 2021 kien skont it-tabella ta hawn taħt.
|
Benefiċċju |
Benefiċjarji residenti Marsaskala |
|
Allowance għal Carers |
6 |
|
Allowance ta' Iltim |
1 |
|
Allowance tat-Tfal |
1,585 |
|
Allowance tat-Tfal |
0 |
|
Allowance Tfal b'Diżabilità |
58 |
|
Allowance Tfal taħt Ħarsien |
6 |
|
Assistenza Diżabilità Severa |
98 |
|
Assistenza għal Diżabilità |
8 |
|
Assistenza Miżjuda Diżabilità Severa |
15 |
|
Assistenza Miżjuda għal Carers |
23 |
|
Assistenza Persuna b'Vista Batuta |
7 |
|
Benefiċċju għal Diżimpjieg |
16 |
|
Benefiċċju għal Leave tal-Maternità |
4 |
|
Benefiċċju għal Waqt l-Impjieg |
73 |
|
Benefiċċju Speċjali għal Diżimpjieg |
2 |
|
Benefiċċju tal-Korriment |
2 |
|
Benefiċċju tal-Mard |
31 |
|
Benefiċċju tal-Maternità |
4 |
|
Bonus Kontribuzzjonijiet Nieqsa |
264 |
|
Bonus Twelid ta' Tarbija |
44 |
|
Għajnuna Medika |
203 |
|
Għajnuna Soċjali |
108 |
|
Għajnuna Soċjali għal Diżimpjieg |
21 |
|
Għajnuna Soċjali Mnaqqsa |
30 |
|
Għajnuna Soċjali Protezzjoni Sussidjarja |
45 |
|
Għajnuna Soċjali Unmarried Persons |
63 |
|
Għajnuna Supplimentari |
404 |
|
Għotja għal Carers |
6 |
|
Għotja tal-Anzjani |
559 |
|
Għotja taż-zwieġ |
2 |
|
Penjoni tar-Romol |
331 |
|
Pensjoni Minima Nazzjonali |
198 |
|
Pensjoni ta' Diżabilità |
2 |
|
Pensjoni tal-Età |
68 |
|
Pensjoni tal-Invalidità |
62 |
|
Pensjoni tal-Irtirar |
132 |
|
Pensjoni taż-Żewġ Terzi |
1,069 |
|
Suppliment Allowance tat-Tfal |
1,585 |
|
Suppliment Benefiċċju għal Waqt l-Impjieg |
17 |
Seduta 465
25/05/2021
