TRADE MALTA – RAPPREŻENTANTI DIPLOMATIĊI

 15304. L-ONOR. CARMELO MIFSUD BONNICI staqsa lill-Ministru għall-Affarijiet Barranin u Ewropej: Jista’ l-Ministru jgħid x’passi qed jittieħdu sabiex ir-rappreżentanzi diplomatiċi ta’ pajjiżna jkunu jistgħu jgħinu fil-kummerċ in vista tal-fatt li Trade Malta ma għadhiex iktar parti mid-dekasteru kif kienet qabel?

 

04/06/2020

 

  ONOR. EVARIST BARTOLO:  Nixtieq ninforma lill-Onorevoli Interpellant li r-rwol tat-Taqsima tad-Diplomazija Kummerċjali li tinsab fil-Ministeru kien, għadu u jibqa’ importanti nonostanti li Trade Malta kif semmejt tajjeb int m’għadhiex iktar parti mid-dekasteru kif kienet qabel. Fil-fatt nista’ nikkonferma li t-Taqsima msemmija taħdem attivament sabiex tassisti lill-Ambaxxati tagħna fil-promozzjoni tal-kummerċ u dan tagħmlu bl-assistenza tal-istakeholders Maltin kollha fosthom ta’ Trade Malta.

 

Ta’ min ifakkar ukoll li aktar kmieni din is-sena, il-Ministeru nieda l-Malta and Africa: A Strategy for Partnership 2020-2025. Fost oħrajn, dan id-dokument elenka diversi opportunijet biex pajjiżna jsaħħaħ ir-relazzjonijiet kummerċjali mal-kontinent Afrikan permezz ta’ koperazzjoni mill-qrib bejn in-network diplomatiku u dak kummerċjali sabiex jinfetħu swieq ġodda għall-intrapriżi Maltin. U huwa propju dan li qed isir u f’dan ir-rigward nieħu l-opportunita’ li nisħaq dwar l-importanza ta’ kollaborazzjoni sħiħa bejn l-istakeholders kollha msemmija sabiex inkomplu nippromwovu b’suċċess lil pajjizna fil-qasam kummerċjali

 

Seduta  345

17/06/2020