15320. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Ewropej: B’referenza għat-tweġiba għall-mistoqsija parlamentari 14528, jista’
l-Ministru jgħid x’kienet u hija r-raġuni għala għal din is-sena ma sarux
talbiet għall-iktar fondi biex insostnu l-programm tal-Consul on the Move billi din kienet suċċess?
04/06/2020
ONOR. EVARIST
BARTOLO: Ninforma lill-Onorevoli Interpellant li għal din
is-sena ma sarux talbiet addizzjonali għal fondi biex isostnu l-Programm Consul-on-the-Move għar-raġuni li ma
kienx hemm żieda fil-pajjiżi li fihom jiġu organizzat it-tali programm. Tajjeb
wieħed jgħid li f’ċirkustanzi ta’ dan it-tip il-Ministeru jieħu
f’konsiderazzjoni t-talbiet tas-sena ta’ qabel u jagħmel previżjonijiet
għas-sena ta’ wara bil-għan li jkollu stima approssimattiva ta’ talbiet
potenzjali. Fil-każ ta’ din is-sena, filwaqt li l-previżjoni kienet xi ftit jew
wisq l-istess bħal tas-sena l-oħra, tajjeb ninforma li minħabba l-pandemija
COVID-19 kull żjara li kienet pjanata tħassret għal data oħra li titħabbar
aktar ‘il quddiem meta s-sitwazzjoni tkun aħjar
Seduta 348
24/06/2020
No comments:
Post a Comment