COMMUNITY WORK SCHEME – ĦADDIEMA INGAĠĠATI

 

15117. L-ONOR. CARMELO MIFSUD BONNICI staqsa lill-Ministru għall-Edukazzjoni u Xogħol: B’referenza għar-risposta għall-mistoqsija parlamentari 14283, jista’ l-Ministru jgħid kemm huwa d-dħul annwali fl-2019 tal-ħaddiema ngaġġati fl-iskema Community Work Scheme Enterprise Foundation? Jista’ jinforma lill-Kamra f’liema postijiet qed jagħtu s-servizzi tagħhom?

 

01/06/2020

ONOR. OWEN BONNICI:  Ngħarraf lill-Onor. Interpellant li d-dħul annwali fl-2019 tal-ħaddiema ingaġġati fl-iskema Community Work Scheme Enterprise Foundation huwa kif ġej:

 

·              Dawk l-impjegati li daħlu fl-2016 għandhom salarju annwali ta’ €11,699.52c + Bonuses tal-Gvern + Performance Bonus sa massimu ta’ €450

·              Dawk l-impjegati li daħlu fl-2018 u wara, għandhom salarju annwali ta’ €11,543.52c + Bonuses tal-Gvern + Performance Bonus sa massimu ta’ €450

 

Dawn il-ħaddiema qed jagħtu s-servizzi tagħhom fil-postijiet kif indikat fit-tabella t’hawn taħt.

 

MEDE	15
Ministry for Gozo	238
Local Councils	296
NGOs	70
Public Entities	67
State Colleges	231
Roaming	3

 

 

Seduta  341

09/06/2020