Il-Farmers’
Market huwa esperiment li rnexxa u li kien success, kemm għall-bdiewa li
jipparteċipaw fih u għall-familji li jixtru l-prodotti tagħhom minnu. L-għan
ta’ dan il-proġett, li ngħata bidu tliet snin u nofs ilu, kien li tinħoloq
opportunità sabiex il-bidwi jbiegħ il-prodott tiegħu direttament
lill-konsumatur mingħajr middle-man. Min-naħa l-oħra, il-konsumatur
igawdi minn prodotti li huma friski, ġenwini, lokali u value for money.
Dan qalu
l-Kap tal-Partit Nazzjonalista Simon Busuttil waqt żjara li għamel fil-Farmers’
Market f’Ta’ Qali dalgħodu. Huwa kien akkumpanjat mill-Kelliem
għall-Agrikoltura u s-Sajd Ċensu Galea u mill-kandidati għall-elezzjoni
tal-Parlament Ewropew Helga Ellul, Francis Zammit Dimech u Jonathan Shaw.
Simon
Busuttil esprima l-apprezzament tiegħu għar-rwol u vokazzjoni tal-bdiewa
f’pajjiżna. Hu qal li dan is-settur hu importanti għax il-bidwi mhux biss
jagħmel sagrifiċċji kbar biex jiekol u jgħajjex lil familtu, iżda jservi bħala
gwardjan għall-integrità ambjentali u rurali ta’ pajjiżna.
Il-Kap
tal-Partit Nazzjonalista qal li bħal f’setturi oħrajn, is-settur
tal-agrikoltura huwa wkoll settur ieħor li fih il-Prim Ministru għamel ħafna
wegħdiet u għadu sal-lum wettaq ftit li xejn. Hu stqarr li l-Prim Ministru
wiegħed skemi ta’ kumpens għall-ħsara li jsofru l-bdiewa fil-maltemp, kif ukoll
li jiġi facilitat it-trasferiment tal-art bejn il-bdiewa u li jingħata titlu
aktar b’saħħtu lill-bdiewa li jaħdmu art tal-Gvern. Il-Gvern hu mistenni jżomm
mal-wegħdiet tiegħu.
--
Uffiċċju
Informazzjoni
Partit
Nazzjonalista
No comments:
Post a Comment