1. Kienet ġimgħa differenti fil-ħajja
politika ta’ pajjiżna. Mill-Ħadd li
għadda, il-poplu ntilef jiddiskti jekk hix ser tissejjaħ elezzjoni ġenerali
issa, f’Novembru. Tmur fejn tmur, dan
kien l-argument. Wieħed li qasamna f’jekk
huwiex, jew le, il-mument tajjeb. Imma
l-karti għadhom u baqgħu ma’ ħobb il-Prim Ministru.#
Inħassru l-Festi?
2. L-elezzjoni, tiġi meta tiġi, ser ikollha
numru ta’ effetti li, isir xi jsir, jitwieldu mill-ġdid. Il-poplu, anzi l-familji, jinqasmu
fl-opinjonijiet. Diversi jippruvaw ma
jiltaqgħux jew ma jitkellmux, proprju biex ma jiksruhiex. Ġlied fi żmien il-festi jagħti mrar
għas-snin, li jdum biex ifiq.
Il-Familja
3. L-aħħar tas-sena hija, f’ħafna, il-festa
tal-familja Maltija u Għawdxija. Dik
tal-ġabra, tal-ikliet u taċ-ċelebrazzjonijiet reliġjużi tagħna. Dik tar-rikonċiljazzjoni, ukoll. Ħafna li diġà bdew jaħsbu fir-rigali u kif
iżejnu darhom ser jitilfu, f’dan, mill-ispirtu sħiħ. Iktar u iktar din is-sena li ser inkunu forsi
nistgħu niltaqgħu mingħajr id-dell qawwi tal-pandemija.
Ekonomija
4. Mhux l-aħjar żmien għall-elezzjoni
ġenerali, imma l-Prim Ministru jaf iktar minna l-problemi u l-intoppi politiċi
li nġabrulu f’ħoġru. Jaf iktar dak li
għaddej minn taħt, li l-pajjiż ser isir jaf għada pitgħada. Jaf iktar id-diffikultajiet fl-istat
tal-ekonomija u l-finanzi. Ċertament,
flok kif nafu li l-magna ekonomika tiċċaqlaq ‘il quddiem, f’dan iż-żmien ser
tieħu daqqa oħra lura.
Tiġi meta tiġi
5. Biss, bħala Partit politiku, tiġi meta
tiġi l-elezzjoni ġenerali, għandna dmir nieħdu sehem. Mhux biss, imma li ma nippermettux lil min
irid jipprova jċekken ħidmietna. Ma
naħsbux li diġà hija deċiża, kif hemm “orkestra-maqbula” li trid tibgħat il-messaġġ.
Preparati
6. M’għandniex, u m’jinix ser naqta’ qalbi,
huma x’inhuma ċ-ċirkostanzi li qed nidħlu għaliha. Hija x’inhija r-retorika politika, hemm
id-dinja tar-realtà li twieġeb differentement.
Ħames snin
7. Il-pajjiż għandu bżonn leġislatura sħiħa
ta’ ħames snin ta’ paċi u stabilità.
Iseħħ xi jseħħ, jibqa’ l-fatt li l-Partit Laburista fil-Gvern ma kienx
proprju xempju ta’ permanenza u sudizza.
Maġġoranzi
8. Minkejja n-numri elettorali u
parlamentari, jibqa’ jġorr miegħu diversi kumplikazzjonijiet. Kuljum, kif nafu, insiru nafu iktar dwar
dan. Il-poplu jaf jibda jifhem iktar li
hemm bżonn bidliet f’dan, u li huwa l-Partit Nazzjonalista li jista’
jwettaqhom.
Dożi ta’
arroganzi
9. In-numri elettorali jgħinu partit u gvern
li jrid jibdel. Isaħħuh biex iwettaq
riformi bażati fuq il-ġustizzja soċjali.
Jagħtuh l-opportunità jibdel dak li gvernijiet oħra ma setgħux minħabba
l-maġġoranzi iżgħar tagħhom. Imma meta
dan ma jiġix użat għal dan il-għan, l-effetti jkunu oħra. Ikollok, kif qegħdin naraw, minflok, iktar
kapitaliżmu liberali stramb, fejn il-ħbieb tal-ħbieb ikollhom ferm iktar u
l-oħrajn jibqgħu fejn huma, niżlin ‘l isfel.
Messaġġi
10. Ma hemmx dubju li din l-elezzjoni ġenerali
ser ikollha diversi messaġġi mill-elettorat taż-żewġ partiti l-kbar. Hemm, għad-differenza ta’ appuntamenti oħra,
min huwa diġà deċiż kif ser jivvota.
Indeċiżi
11. Jibqgħu, però, bħal dejjem, dawk li għadhom
indeċiżi. Dawk li mhux qed isegwu
fid-dettall, li però jridu jibdlu billi jibgħatu messaġġ lill-Gvern. Dawk li ser ikunu fost dawk li jaffermaw li
l-umiltà hija għalihom dik il-kwalità essenzjali li jippretendu mill-politiċi
tagħhom.
Awtentiċità
12. L-elettorat tista’ tipprova timmanipulah,
imma ser ikun aktar attent sabiex ifittex fil-klassi politika
l-awtentiċità. Ifittex lil dawk li
jifhmuh u kapaċi jibnulu l-qafas ta’ futur aħjar. Wieħed li jagħti lura l-istima u l-ġieħ li
ħaqqna. Wieħed li, f’dan, jassigura li
jkollna ekonomija stabbli, kostanti u ‘l bgħid mid-dellijiet li għandna.
Kuraġġ
13. Ikun, f’dan, żball politiku min jaħseb li
f’dak li ġej kollox huwa diġà miktub.
Mhuwiex. Dmirna sempliċement huwa
li rridu naħdmu u nistinkaw sabiex naffermaw dak li aħna verament.
Rilevanza
14. Il-Partit li jibqa’ rilevanti fil-partijiet
sħaħ tiegħu. Fil-valuri
Demokratiċi-Nsara tiegħu, li huma garanzija tal-ħajja, tal-libertà u
l-ġustizzja.
Mhuwiex
15. Mhix miktuba għax kull kampanja elettorali
hija leġiżlatura żgħira fiha nnifisha.
Tista’ titlaq bil-vantaġġi u tispiċċa bil-kontra. L-istorja f’pajjiżna turi proprju dejjem iktar
dan. Proprju għalhekk wieħed irid
jgħaddi li aħna, bl-intelliġenza kollha li għandna, nimmiraw lejn iktar għaqda.
Il-ħila t-tajba
16. Mhuwiex il-Partit tal-protagoniżmu
individwalista, imma huwa hu li hu waħdu l-protagonista. Huwa l-Partit fl-għaqda tiegħu li jagħti sens
u saħħa ‘l-ħidma politika tagħna. F’dan,
opinjonijiet jew pożizzjonijiet individwali jibqgħu li huma: waħedhom u
injorati. Fis-soċjetà ċivili, dik hija
l-linja biss fl-organizzazzjoni ta’ partit: wieħed li jkun rilevanti. Din mhix.
Ġenwinità
17. Għandna iktar f’dan, id-dmir li nsostnu
l-linja ġenwina tal-Partit. Dik li
minnha ngħarfu dak li ġej mill-passat u nutilizzaw il-wirt tagħna lejn futur li
fih il-ġid komuni jikber. M’għandniex passat
maħmuġ. Wisq inqas wieħed nieqes
mill-progress u l-ġustizzja soċjali.
Gwardjani
tas-sewwa
18. Il-Partit jibqa’ gwardjan tas-sewwa jekk
iħares dak li huwa verament. Dak li
jbiddel u jġib il-progress soċjo-ekonomiku.
Biss, dan jista’ jwettqu fl-opinjonijiet maqbula, mhux imposti. Hemm nibqgħu partit li kapaċi jifhenm l-esiġenzi
u l-bżonnijiet veri, mhux apparenti, tas-soċjetà.
Linja soċjali
19. Nibqgħu, f’dan, il-Partit li jagħraf li hemm
wirt fil-valuri soċjali tiegħu: dawk imnebbħa, mhux dominati mid-duttrina
soċjali. Nibqgħu, f’dan, il-Partit
rilevanti fil-messaġġ u fil-punti politiċi li nirrappreżentaw. Nibqgħu dak il-Partit li kapaċi jwettaq
il-bidliet, biex il-poplu jkun stmat u jgħix aħjar.
Inħarsu ‘l
quddiem
20. Proprju fuq dan kollu li aħna. Proprju għax m’aħniex partit li twieled
ilbieraħ. Proprju għax ingawdu minn
esperjenza politika soda u tajba.
Proprju għax nifhmu iktar li aħna rilevanti skont kemm inkunu
f’daqqa. Proprju għax l-ideat it-tajba ma
jonqsulniex. Proprju għax kapaċi nifhmu
dak li jagħmel il-pid minn dak li jġib il-ħsara. Għalhekk nibqgħu forza politika stabbli,
kostanti u kredibbli.
No comments:
Post a Comment