26977. L-ONOR. CARMELO MIFSUD BONNICI staqsa lill- Ministru għall-Wirt Nazzjonali, l-Arti u l-Gvern Lokali: B’referenza għat-tweġiba tal-mistoqsija parlamentari 25037, jista’ l-Ministru jgħid x’progress sar fir-rigward tal-iSmoking Room f’Bighi?
28/03/2025
ONOR. OWEN BONNICI: Ninforma lil Onor.
Interpellant li ninsab infurmat li l-istruttura tal-ġebel tal-iSmoking Room f’Bighi
issa tinsab kollha postha u waslet fil-fażi finali ta’ restawr. Kif jitlesta dan ix-xogħol jibda jintrama
s-saqaf ta’ l-injam. Dan il-proġett ta’
restawr huwa wieħed partikolari għaliex fil-kostruzzjoni ta’ din il-binja hemm
taħlita ta’ tlett materjali: il-ġebla tal-franka, ħadid u injam. L-użu
tal-ħadid ikkawża diversi ħsarat fil-ġebel, filwaqt li l-injam ġratlu ħafna
ħsara minħabba l-ambjent li kien jinsab fih.
Il-filosofija ta’ restawr li qed tiġi addottata mill-professjonisti ta’
Heritage Malta, hija dik li jissalva dak kollu possibbli mill-materjali
oriġinali. Proċess bħal dan jieħu ħafna aktar żmien milli kieku wieħed jieħu
deċiżjoni li jaqbad u jibdel b’materjali ġodda, speċjalment fejn jidħol xogħol
ta’ lavur fil-ġebla u elementi tal-injam.
Seduta 335
29/04/2025
No comments:
Post a Comment