GĦASSA TA’ ĦAL TARXIEN – RAPPORTI TA’ DELITTI U REATI TA’ SERQ

18130. L-ONOR. CARMELO MIFSUD BONNICI staqsa lill-Ministru għall-Intern, is-Sigurtà Nazzjonali u l-Infurzar tal-Liġi: Jista’ l-Ministru jinforma lill-Kamra kemm delitti ġew rappurtati fl-Għassa ta’ Ħal Tarxien tul is-sena li għaddiet u kemm kien hemm reati ta’ serq?

 12/01/2021

ONOR. BYRON CAMILLERI: Ninsab infurmat illi l-ammont ta’ rapporti ta’ delitti li seħħew fil-Ħal Tarxien tul is-sena 2020 kien kif jidher fit-tabella t’hawn taħt, li tinkludi wkoll l-ammont ta’ rapport ta’serq fl-istess lokalità. Mhux ir-rapporti kollha jkunu ġew irrapportati fl-għassa tal-lokal hekk kif illum hemm diversi modi kif wieħed jista’ jagħmel ir-rapport tiegħu, inkluż online jew bit-telephone. Wieħed jista’ jmur ukoll f’għassa ta’ lokalità oħra, partikolarment l-għases ewlenin, iżda eventwalment ir-rapporti dejjem ikunu rreġistrati fuq il-lokal fejn seħħ ir-reat.

 

Rapporti ta’ delitti - Tarxien 2020	Ammont
Hruq	5
Offizi fuq il-persuna	3
Uzu hazin ta’ Computer	6
Delitti kontra l-amministrazzjoni tal-Gustizzja	1
Hsarat	39
Vjolenza Domestika	30
Drogi	1
Frodi	10
Pornografija	1
Pretended rights	6
Offizi sesswali	2
Serq	65
Theddid u vjolenza	3
Vjolenza kontra ufficcjal Pubbliku	1
Total	189

 

Seduta 420

26/01/2021