GĦASSA TA’ ĦAL GĦAXAQ – RAPPORTI TA’ DELITTI U REATI TA’ SERQ. 2020.

18132. L-ONOR. CARMELO MIFSUD BONNICI staqsa lill-Ministru għall-Intern, is-Sigurtà Nazzjonali u l-Infurzar tal-Liġi: Jista’ l-Ministru jinforma lill-Kamra kemm delitti ġew rappurtati fl-Għassa ta’ Ħal Għaxaq tul is-sena li għaddiet u kemm kien hemm reati ta’ serq?

12/01/2021

 

ONOR. BYRON CAMILLERI: Ninsab infurmat illi l-ammont ta’ rapporti ta’ delitti  li seħħew f’Ħal Għaxaq tul is-sena 2020 kien kif jidher fit-tabella t’hawn taħt, li tinkludi wkoll l-ammont ta’ rapport ta’serq fl-istess lokalità. Mhux ir-rapporti kollha jkunu ġew irrapportati fl-għassa tal-lokal hekk kif illum hemm diversi modi kif wieħed jista’ jagħmel ir-rapport tiegħu, inkluż online jew bit-telephone. Wieħed jista’ jmur ukoll f’għassa ta’ lokalità oħra, partikolarment l-għases ewlenin, iżda eventwalment ir-rapporti dejjem ikunu rreġistrati fuq il-lokal fejn seħħ ir-reat.

 

 

Rapporti ta’ delitti-  Ghaxaq 2020	Ammont
Attentat ta’ offizi	1
Offizi fuq il-persuna	3
Hsarat	24
Vjolenza domestika	14
Frodi	6
Omicidju	1
Hasil ta’ flus	2
Pornografija	1
Offizi sesswali	1
Serq	19
Theddid u vjolenza	5
Vjolenza kontra ufficcjal pubbliku	1
Grand Total	78

 

Seduta 420

26/01/2021