5063. L-ONOR. CARMELO MIFSUD BONNICI staqsa lill- Ministru għall-Ambjent, l-Enerġija u l-Intrapriża: B’referenza għat-tweġiba tal-mistoqsija parlamentari 3365, tista’ l-Ministru tgħid x’passi jew programmi ttieħdu jew se jittieħdu tul din is-sena dwar il-Buskett u ċjoè x’manutenzjoni u ammeljoramenti?
06/01/2023
ONOR. MIRIAM
DALLI: Bħala parti mill-ħidma l-ġdida għal din is-sena
fil-Buskett, se tkun qed issir ħidma biex tiżdied is-sigurtà u dan permezz
tal-installazzjoni ta’ numru ta’ kameras tas-sigurtà. Se jitkompla x-xogħol fuq
il-kamra agrarja, li se tkun qed tiġi konvertita f’ċentru għal edukazzjoni
ambjentali dwar il-Buskett.
Infakkar lill-Onor.
Interpellant illi barra minn hekk, hemm il-ħidma ta’ kuljum biex il-Buskett
jinżamm nadif. Fost oħrajn, dan ix-xogħol jinkludi tindif, iż-żbir tas-siġar,
tħawwil ta’ siġar u arbuxelli, l-immaniġġar tas-sistemi ta’ irrigazzjoni u
xogħlijiet fuq ħitan tas-sejjieħ u ġibjuni skont il-ħtieġa.
Seduta 73
10/01/2023
No comments:
Post a Comment