ĦAL TARXIEN – PROĠETT TA’ RIĠENERAZZJONI TAL-PJAZZA U Z-ZUNTIER TAL-KNISJA PARROKKJALI

5169. L-ONOR. CARMELO MIFSUD BONNICI  staqsa lill- Ministru għat-Trasport, l-Infrastruttura u l-Proġetti Kapitali: B’referenza għat-tweġibiet tal-mistoqsijiet parlamentari 3483 u 5038, jista’ l-Ministru jindika xi progress sar dwar il-proġett ta’ riġenerazzjoni tal-Pjazza u z-Zuntier tal-Knisja Parrokkjali ta’ Ħal Tarxien?

 

12/01/2023

  

ONOR. AARON FARRUGIA: Ninforma lill-Onor. Interpellant li l-fażi ta’ preparazzjoni tal-proġett għadha għaddejja kif kien indikat fir-risposta tal-Mistoqsija Parlamentari nru 5038.  F’din il-fażi qed isiru konsultazzjonijiet mal-entitajiet kollha tas-servizzi pubbliċi dwar proposti ta’ renovar li jista’ jkollhom ippjanati għas-servizzi tagħhom. Apparti minn hekk, kif id-disinn ikun komplut, dan ser jgħaddi għand il-kunsill lokali għall-approvazzjoni finali.

 

Seduta  77

17/01/2023