Stqarrija konġunta maħruġa mill-Partit Laburista u mill-Partit Nazzjonalista

Iż-żewġ partiti politiċi ewlenin bi ftehim bejniethom iħabbru li l-kampanji elettorali rispettivi tagħhom għall-Elezzjonijiet tal-Kunsilli Lokali, se jibdew b’effett mill-Ħadd 8 ta’ Marzu 2015.

B’rispett ukoll lejn it-tradizzjonijiet kulturali u reliġjuzi tal-poplu Malti u Għawdxi, ntlaħaq ukoll ftehim li ma jkun hemm l-ebda kampanjar elettorali nhar il-Ġimgħa 27 ta’ Marzu 2015 - Jum id-Duluri, u bejn l-Erbgħa l-1 ta’ April sal-Ħadd 5 ta’ April 2015 - Jum l-Għid, iż-żewġ ġranet inklużi.

Iż-żewġ partiti qablu wkoll li waqt it-tqassim tad-dokumenti tal-votazzjoni tar-Referendum, mhumiex se jagħmlu użu mill-Aġenti tal-Partiti (Voting Document Distributors), minkejja li dan huwa permess mill-liġi applikabbli.

21.01.15