Il-Partit
Nazzjonalista jitħasseb bis-serjetà dwar l-aħħar żviluppi li se jintlaqtu b’mod
dirett bihom persuni li huma Coeliac. Dak li ħabbar aktar kmieni din il-ġimgħa
s-Segertarju Parlamentari Chris Fearne huwa nsult għal kull min hu Coeliac.
Fil-jiem
li għaddew, ix-Shadow Minister għas-Saħħa Claudette Buttigieg għamlet kuntatt
mas-Coeliac Association Malta fejn ġie diskuss il-voucher li se jdaħħal
il-Gvern għal persuni li huma Coeliac.
Il-Partit
Nazzjonalista jappoġġja lill-Assoċjazzjoni fl-insistenza li qed tagħmel
mal-Gvern biex l-ammont ta’ €30 fix-xahar jiżdied biex jirrifletti verament
in-nefqa ta’ dawn il-persuni kull xahar fuq prodotti speċifiċi u li jkunu
addattati għall-kundizzjoni tagħhom.
Gvern
serju u li veru jisma’ ma jaqbadx u jiddeċiedi dawn l-affarijiet mingħajr
konsultazzjoni. Huwa ċar li d-deċiżjoni tal-Gvern hija waħda insensittiva u li
tirrifletti biss it-tixħiħ tal-Gvern fis-settur tas-saħħa.
18.01.15
No comments:
Post a Comment