Ftit minuti biss wara li l-Partit
Nazzjonalista nieda s-sit www.dieselupetrol.com biex
jinforma lill-poplu Malti u Għawdxi kemm qed iħallas żejjed f'petrol u diesel,
il-Gvern ta' Joseph Muscat imblokka l-aċċess għal dan is-sit għal kull min
jaħdem maċ-Ċivil.
Minflok ta spjegazzjoni għaliex qed iħalli
lill-poplu Malti u Għawdxi iħallas iżżejjed għall-petrol u d-diesel, Joseph
Muscat waqqaf ħesrem il-libertà tal-espressjoni għax għalih dan mhux
fl-interess tal-poplu.
Dan sar ftit jiem biss wara li Joseph
Muscat mar jippoża għar-ritratti fit-toroq ta’ Pariġi suppost favur il-libertà
tal-espressjoni. Imma mal-ewwel okkażjoni li xi ħaġa m’għoġbitux, Joseph Muscat
imblokka sit u waqqaf ħesrem il-libertà tal-espressjoni.
Il-Partit Nazzjonalista jesiġi li l-Gvern
jirtira minnufih id-deċiżjoni tiegħu li jimblokka s-sit www.dieselupetrol.com u jippermetti
l-libertà tal-espressjoni. Il-Partit Nazzjonalista jappella lill-media u
lis-soċjetà ċivili biex tagħmel kull pressjoni fuq il-Gvern biex ma jiċċensurax
il-libertà tal-espressjoni u ma jimblokkax dan is-sit informattiv.
19.01.15
No comments:
Post a Comment