24720. L-ONOR. CARMELO MIFSUD BONNICI staqsa lill- Deputat Prim Ministru u Ministru għall-Affarijiet Barranin u t-Turiżmu: Jista’ d-Deputat Prim Ministru u Ministru għall-Affarijiet Barranin u t-Turiżmu jgħid jekk ittiħdux xi inizjattivi ta’ kwalunkwe natura da parti tal-Ministeru biex tiġi megħjuna s-Sirja wara li ħadet lura l-libertà tagħha? Jista’ jgħid ukoll jekk hemmx il-ħsieb li ssir żjara jew laqgħa uffiċjali fil-futur qarib f’dak il-pajjiż?
17/01/2025
ONOR. IAN
BORG: Ninforma lill-Onor. Interpellant illi Malta, s'issa għadha qed
tanalizza l-iżviluppi kurrenti fis-Sirja sabiex tiddetermina liema atturi u
mekkaniżmi jkunu l-aktar utli fejn jistgħu jiġu pprovduti assistenza umanitarja
lil dawk li għandhom bżonnha l-aktar. Fuq it-tieni parti tal-mistoqsija nixtieq
ninformah li s’issa għad m’hemm l-ebda ħsieb biex issir żjara uffiċjali.
Madankollu, Malta diġà pparteċipat u se tkompli tipparteċipa f’diskussjonijiet
li saru fil-livell tal-Unjoni Ewropea dwar is-Sirja waqt il-Kunsill
tal-Affarijiet Barranin kif ukoll waqt il-Kunsill Ewropew.
Seduta 303
27/01/2025
No comments:
Post a Comment