15653. L-ONOR. CARMELO MIFSUD BONNICI staqsa lill-Ministru għat-Turiżmu: B’referenza
għall-mistoqisja parlamentari 7784, jista’ l-Ministru jgħid kemm-il darba
l-Kumitat Nazzjonali għaż-Żoni Turistiċi ltaqax mal-istakeholders f’Wied il-Għajn? Jekk iva, meta? Ġie mfassal pjan ta’
azzjonijiet li se jittieħdu għall-istess lokalità fis-settur turistiku?
27/03/2015
ONOR. EDWARD
ZAMMIT LEWIS: Ninforma lill-Onorevoli Interpellant illi l-Kumitat
Nazzjonali għaż-Żoni Turistiċi, fejn hemm rappreżentanza minn Wied il-Għajn,
iltaqa’ regolarment fl-ewwel, fit-tieni u fit-tielet kwart tas-sena 2014.
Flimkien mal-Ministeru
tal-Infrastruttura, dan il-Kumitat wettaq programm ta` tindif u manutenzjoni fuq il-promenade ta` Wied
il-Għajn li kien ilu jinħass il-bżonn għalih iż-żmien.
Hemm ukoll il-ħsieb li, b`kollabarazzjoni
mal-Awtorita’ Maltija għat-Turiżmu, tiġi mmaniġġjata l-Bajja tal-Fajtata f`Wied
il-Għajn minn dan is-sajf li ġej.
Ta’ min ifakkar illi kien dan
il-Gvern illi saħaq fuq l-importanza ta’ din il-lokalità u li kkunsidra lil
Wied il-Għajn bħala parti miż-żona turistika fin-naħa t’isfel tal-pajjiż.
Seduta 263
13/05/2015
No comments:
Post a Comment