15571. L-ONOR. CARMELO MIFSUD BONNICI staqsa lill-Ministru għall-Enerġija u s-Saħħa: Jista’
l-Ministru jara li l-ispetturi tas-saħħa jmorru ġewwa Żejtun Road, Main Street
u Triq il-Kbira ġewwa Ħal Tarxien billi hemm rapporti varji ta’ ġrieden kbar li
huma ta’ periklu għas-saħħa tar-residenti speċjalment għall-anzjani u t-tfal?
25/03/2015
ONOR. KONRAD
MIZZI: Id-Direttorat għas-Saħħa Ambjentali ma rċieva l-ebda
rapporti riċenti dwar infestazzjoni ta’ ġrieden fit-toroq indikati, fil-fatt
l-aħħar ilmenti reġistrati ma’ dan id-Direttorat dwar dawn it-toroq huma
ddatati Jannar u Awwissu tas-sena 2013.
Fis-16 t’April, 2015,
Uffiċjali għas-Saħħa Ambjentali għamlu spezzjoni fit-toroq indikati u ma sabu l-ebda
akkumuli ta’ żibel jew ta’ xi drenaġġi miftuħin li jistgħu jipprovdu kenn
għall-ġrieden. Uffiċċjali mill-Pest Control Unit fi ħdan l-istess
Direttorat għamlu wkoll spezzjoni fl-istess toroq iżda trattament għal kontra
l-ġrieden ma setgħax isir peress li l-manholes
tal-main tad-drenaġġ fit-toroq
indikati huma mgħottija bit-tarmak.
Seduta 260
06/05/2015
No comments:
Post a Comment