15655. L-ONOR. CARMELO MIFSUD BONNICI staqsa lill-Ministru għall-Intern u s-Sigurtà
Nazzjonali: B’referenza għall-mistoqsijiet parlamentari 10904, 10968, 13788,
14049 u 15389, jista’ l-Ministru jikkonferma li l-container li qed jiġi preżentament użat bħala Għassa tal-Pulizija
ta’ Wied il-Għajn, għandu permess tal-Awtorità ta’ Malta dwar l-Ambjent u
l-Ippjanar sal-20 ta’ Mejju 2015 fil-Pjazza Dun Tarcisio u wara jrid jiġi
mċaqlaq mill-ġdid?
27/03/2015
ONOR. CARMELO
ABELA: Ninforma lill-Onor. Interpellant li ninsab infurmat li
kif ġie spjegat fi tweġibiet oħra, l-għassa tal-Pulizija ta’ Wied il-Għajn
għandha il-permessi legali neċessarji biex tqegħdet fil-post fejn tinsab
illum. Irid jingħad ukoll li qabel ma
l-premessi jiskadu, qed isiru arrangamenti biex is-sitwazzjoni tiġi
rregolarizzata skond il liġi biex ikun hemm awtorita billi permess għal din
l-Ghassa ma jibqax temporanju.
Kif diġà thennejt fi tweġiba
oħra fuq dan is-suġġet il-ħtieġa ta’ Għassa ġdida ġewwa Marsascala ilu snin
twal jinħass u dan għal diversi raġunijet. Il-prokrastinazzjoni fi żmien
il-Gvern Nazzjonalista waslitna
għas-sitwazzjoni li ninsabu fiha llum. Din l-amministrazzjoni qed tagħmel
ħilitha sabiex filwaqt li tibqa` tagħti s-servizz meħtieġ, fl-istess waqt
insibu post adegwat sabiex ikun hemm Għassa li taqdi l-bżonnijiet tal-lum
Seduta 263
13/05/2015
No comments:
Post a Comment