MINISTERU GĦALL-KULTURA, L-ARTIJIET U L-GVERN LOKALI -L-UNJONI EWROPEA U L-KUNSILL TAL-EWROPA - LAQGĦAT

29764. L-ONOR. CARMELO MIFSUD BONNICI  staqsa lill- Ministru għall-Kultura, l-Artijiet u l-Gvern Lokali: Jista’ l-Ministru jgħid għal liema laqgħat attenda fi ħdan l-Unjoni Ewropea u fi ħdan il-Kunsill tal-Ewropa? Jista’ jgħid ukoll liema laqgħat huwa mistenni li jattendi fit-tieni nofs tal-2025?

 

10/07/2025

 

ONOR. OWEN BONNICI:  Ninforma lill-Onor. Interpellant li matul l-ewwel sitt xhur tas-sena 2025 attendejt għal-laqgħa informali tal-Ministri tal-Kultura membri tal-UE li saret Warsaw, il-Polonja mis-7 sat-8 ta’ April, 2025 u l-laqgħa formali tal-Ministri tal-Kultura li saret Brussell, il-Belġju fit-13 ta’ Mejju, 2025.

 

Fit-tieni nofs tas-sena 2025, mistenni li nattendi għal-laqgħa informali tal-Ministri tal-Kultura tal-auE li se ssir bejn it-3 u l-4 ta’ Novembru, u għal-laqgħa formali tal-Ministri tal-Kultura tal-UE li se ssir fit-28 ta’ Novembru, Brussell, il-Belġju.

 

Seduta  369

23/07/2025