11563. L-ONOR. CARMELO MIFSUD BONNICI staqsa lill- Ministru għat-Trasport, l-Infrastruttura u l-Proġetti Kapitali: Jista’ l-Ministru jgħid x’xogħlijiet qegħdin jsiru fi Triq Brittanja f’Raħal Ġdid u kemm ser idumu għaddejjin?
28/09/2023
ONOR. AARON
FARRUGIA: Ninforma lill-Onor. Interpellant li x-xogħlijiet fi
Triq Brittanja u fi Triq Valletta, f’Raħal Ġdid jinkludi bini tat-toroq
mill-ġdid ir-rikostruzzjoni sħiħa tal-bankini, it-tisħiħ tas-sotto-bażi
eżistenti u s-saffi tal-asfalt tul il-medda kollha tat-triq flimkien
mas-sinjali tat-toroq u l-marki tal-linji meħtieġa. F’dawn it-toroq
Infrastructure Malta għamlet servizzi ġodda matul il-medda kollha skont kif
proposti mill-entitajiet konċernati, li jinkludi tisħiħ fin-networks tad-distribuzzjoni
tal-ilma, tad-dawl u telekomunikazzjoni kif wkoll tisħiħ fis-sistema ta’
kollezzjoni tad-drenaġġ u anke ilma tax-xita. Ix-xogħol f’dawn iż-żewg toroq
huwa previst li jkun komplut fl-ewwel kwart tas-sena d-dieħla.
Seduta 163
01/11/2023
No comments:
Post a Comment