FORTIZZA TA’ DELIMARA - XOGĦLIJIET

11575. L-ONOR. CARMELO MIFSUD BONNICI  staqsa lill- Ministru għall-Wirt Nazzjonali, l-Arti u l-Gvern Lokali: Jista’ l-Ministru jgħid x’xogħlijiet saru u jindika ukoll kemm-il darba kienet miftuħa l-Fortizza ta’ Delimara u xi dħul kien hemm?

 

28/09/2023

 

ONOR. OWEN BONNICI:  Ninsab infurmat li matul dawn l-aħħar tliet snin saru dawn ix-xogħlijiet fil-Fortizza ta’ Delimara: 

1.             Tindif ta’ aktar minn nofs il-foss li jdawwar il-fortizza u wara tpoġġew blokok tal-konkrit bħala lqugħ u ostakolu sabiex ma jerġax jintrema materjal ieħor;

2.             Installazzjoni ta’ servizzi tad-dawl u l-ilma u sleeves għal servizzi ta’ komunikazzjoni qabel ma ngħata t-tarmak fit-triq għad-dħul tal-fortizza minn l-entità kkonċernata;

3.             Twaqqigħ u tneħħija ta’ diversi strutturi li kienu nbnew wara l-1964  meta l-fortizza ma baqgħetx f’idejn il-militar u b’hekk issa l-fortizza ħadet id-dehra ta’ kif kienet fil-bidu tas-snin 70;

4.             Restawr ta’ żewġ kanuni;

5.             Tindif ġenerali tal-Fortizza u aċċess għall-inħawi tal-madwar.

Intant, infurmat li s-segwenti tabella tindika d-dettalji dwar kemm il-darba kienet miftuha l-fortizza u dħul li sar minn dawn l-attivitajiet.

 

22nd April 2023
Tickets Sold	Revenue
722	€3,246.00
23rd April 2023
Tickets Sold	Revenue
1490	€6,508.00
16th October 2022
Tickets Sold	Revenue
366	Nil     *
7th May 2022
Tickets Sold	Revenue
185	€799.00
9th April 2022
Tickets Sold	Revenue
238	€1,102.00
13th March 2022
Tickets Sold	Revenue
212	€939.00
* 16th October 2022 - Free Admissions due to Open Day Event.

 

Seduta  165

07/11/2023