7670. L-ONOR. CARMELO MIFSUD BONNICI staqsa lill- Ministru għat-Trasport, l-Infrastruttura u l-Proġetti Kapitali: Jista’ l-Ministru jgħid xi proċeduri jintużaw u kemm huma l-ispejjeż li ġew stabbiliti mill-Awtorità tat-Trasport biex ċittadini Maltin li ġew lura f’pajjiżna mill-Kanada, mill-Istati Uniti tal-Amerika u mill-Awstralja u li għandhom liċenzja tas-sewqan valida maħruġa minn dawn il-pajjiżi, tinħarġilhom liċenzja tas-sewqan Maltija?
24/03/2023
ONOR. AARON
FARRUGIA: Ninforma lill-Onor. Interpellant li Malta għandha
ftehim mal-Awstralja għar-rikonoxximent reċiproku u l-iskambju tal-liċenzji
tas-sewqan rispettivi tagħhom. Il-Kanada u l-Istati Uniti m'għandhomx ftehim
bħal dan ma' Malta u għalhekk iridu japplikaw u jagħmlu test prattiku
tas-sewqan sabiex jiksbu liċenzja Maltija.
Il-proċedura u l-ispejjeż
għall-akkwist tal-liċenzji tas-sewqan imsemmija huma kif ġej:
Fil-każ ta’ skambju minn
liċenzja tas-sewqan Awstraljana għal dik Maltija:
- liċenzja tas-sewqan
tinħareġ permezz tas-sottomissjoni ta’ applikazzjoni valida (DRV014)
- il-hlas ikun marbut
mal-iskadenza tal-liċenzja Awstraljana, u għalhekk il-ħlasijiet ivarjaw skont
it-tali (€7.00 għal kull sena japplikaw)
- €10.00 ħlas amministrattiv
Fil-każ tal-Kanada u l-Istati
Uniti (u kull pajjiż ieħor mhux tal-UE u li Malta m’għandhiex ftehim simili
għal dak tal-Awstralja miegħu):
- Applikazzjoni għall-Permess
tat-Tagħlim li jiswa €23.25
- Applikazjjoni għat-Test
tat-Teorija li jiswa €30.25
- Applikazzjoni għal test
prattiku li jiswa €23.25
- Liċenzja proviżorja għal
tliet (3) snin tinħareġ bi ħlas totali ta’ €31.00
Infakkru wkoll li dawk li
għandhom liċenzji tas-sewqan mhux tal-UE jistgħu jsuqu sa sena mill-aħħar data
tad-dħul tagħhom f’Malta bil-liċenzja tas-sewqan (valida) tagħhom.
Seduta 110
17/04/2023
No comments:
Post a Comment