10320. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Promozzjoni tal-Kummerċ: Jista’ l-Ministru jgħid x’inizjattivi ttieħdu minn
Trade Malta mar-Repubblika tal-Ghana tul din is-sena?
30/05/2019
ONOR. CARMELO
ABELA: Ninforma lill-Onor. Interpellant li matul l-2019
TradeMalta kompliet bil-ħidma tagħha biex tkattar iktar opportunitajiet ta'
kummerċ bejn iż-żewġ pajjiżi.
Għal dan il-għan TradeMalta
ħadmet biex isir business forum bejn intrapriżi Maltin u Ghaniżi waqt iż-Żjara
Statali ta’ l-E.T. il-President tar-Repubblika tal-Ghana.
TradeMalta ltaqgħat ma numru
ta’ intrapriżi li diġà qiegħdin jagħmlu kummerċ jew mħajjra jagħmlu negozju
fil-Ghana biex iżżomm ruħa aġġornata ma' żviluppi li saru jew inkella biex
tagħti pariri lil imprendituri fuq opportunitajiet fil-Ghana.
Dan kollu dejjem jsir
b’kollaborazzjoni stretta u b’konsultazzjoni mal-Kumissarju Għoli fil-Ghana.
Seduta 235
11/06/2019
No comments:
Post a Comment