10306. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Promozzjoni tal-Kummerċ: Jista' l-Ministru jgħid x'inizjattivi ttieħdu bejn
il-Ministeru u l-European Asylum Support Office tul is-sena li għaddiet u din
is-sena? Jista’ jgħid jekk hemmx kwistjonijiet pendenti?
29/05/2019
ONOR. CARMELO
ABELA: Ninforma lill-Onor. Interpellant li fl-2018
il-Ministeru għall-Affarijiet Barranin u l-Promozzjoni tal-Kummerċ u l-European
Asylum Office (EASO) kienu msieħba fit-tieni edizzjoni tal-inizjattiva
tal-‘Migration Media Award’. Din l-inizjattiva hija mħejjija b’kollaborazzjoni
bejn il-program ta’ fondi tal-Unjoni Ewropea Euromed Migration IV, mmexxija mill-International Centre for Migration Policy Development (ICMPD) u l-Open Media Hub.
Il-‘Migration Media
Award’ ifittex li jippremja l-eċċellenza ġurnalistika fir-reġjun
Ewro-Mediterranju u jippromwovi rappurtar dwar il-migrazzjoni ibbażat fuq
il-fatti. Din is-sena l-Ministeru u
l-EASO huma għal darb'oħra msieħba fit-tielet edizzjoni tal-‘Migration Media
Award’, flimkien mal-Bank Ewropew għall-Investiment. Iċ-Ċerimonja
tal-Premjazzjoni hija mistennija li ssir lejn l-aħħar tal-2019.
Il-kwistjonijiet imqajma
mill-EASO jirrigwardaw privileġġi għall-Membri tal-Persunal u l-Organizzazzjoni
nnifisha, privileġġi li kemm il-membri u l-Organizzazzjoni huma intitolati taħt
il-Ftehim dwar is-Sede bejn il-Gvern ta' Malta u l-Uffiċċju Ewropew ta' Appoġġ
għall-Ażil, iffirmat fl-24 ta 'Mejju 2011 kif ukoll il-Protokoll dwar
il-Privileġġi u l-Immunitajiet tal-Unjoni Ewropea u l-Avviż Legali 2016/2014
Seduta 232
04/06/2019
No comments:
Post a Comment