10304. L-ONOR. CARMELO MIFSUD BONNICI staqsa lill-Ministru għall-Affarijiet Barranin u
Promozzjoni tal-Kummerċ: Jista’ l-Ministru jgħid jekk humiex sejrin jittieħdu
inizzjattivi oħra tul din is-sena fi ħdan is-Central Mediterranean Security Initiative (CMSI) u jista’ jinforma
x’kien r-riżultat tal-laqgħa li saret f’ April 2019?
29/05/2019
ONOR. CARMELO
ABELA: Ninforma lill-Onor. Interpellant li t-tieni edizzjoni
tal-Inizjattiva Dwar is-Sigurta
Tal-Mediterran Centrali(CMSI) saret mill-1 sal-5 ta’ April 2019, sena wara
l-ewwel edizjoni ta’ April 2018 . Din l-Inizjattiva teżamina r-rwol emerġenti u
ewlieni li għandha Malta fil-qasam tas-sigurtà fil-Mediterrann Ċentrali u li
ġabet flimkien l-awtoritajiet kompetenti mill-Eġittu, Italja, Franza, Libja,
Malta, t-Tuneżija u l-Istati Uniti, fosthom id-Dwana, l-Forzi Armati,
l-Pulizija u d-Divijoni tal-Kummerċ u esperti fuq Sanzjonijiet ta’ Malta.
Matul il-jiem ta’
l-Inizjattiva, saru diskussjonijiet fuq ix-xogħol li qed isir u kif
il-koperazzjoni reġjonali tista’ tiġi msaħħa iktar f’diversi oqsma. Ir-riżultat
ewlieni ta' din l-Inizjattiva huwa s-suċċess tagħha: Malta ospitat din
l-inizjattiva mal-Ambaxxata Amerikana f’Malta u l-ħsieb huwa li tkompli ssir
din il-ħidma fi gruppi ffukati bejn il-pajjiżi parteċipanti biex ikompli
jitkattar l-iskambju ta' informazzjoni reġjonali u tissaħħaħ r-responsabbiltà
reġjonali fil-ġlieda kontra l-kriminalità organiżżata transnazzjonali.
Seduta 232
04/06/2019
No comments:
Post a Comment