8944. L-ONOR. CARMELO MIFSUD BONNICI staqsa lill- Ministru għall-Intern, is-Sigurtà, ir-Riformi u l-Ugwaljanza: Jista’ l-Ministru jgħid jekk l-Għassa tal-Pulizija ta’ Santa Luċija (Malta) nfetħietx tul is-sena li għaddiet u fl-ewwel erba’ xhur ta’ din is-sena, kif ukoll kemm ġew rappurtati delitti tul is-sena 2022 u kemm minnhom kienu marbuta ma’ serq u frodi?
18/05/2023
ONOR. BYRON CAMILLERI: Ninsab infurmat illi l-għassa
tal-Pulizija ta’ Santa Luċija tinfetaħ meta l-esiġenzi tas-servizz hekk
jiddettaw. Madankollu ma’ din l-għassa hemm istallata sistema ta’ intercom, li
permezz tagħha l-pubbliku jista jikkomunika mal-Kwartieri Ġenerali tal-Pulizija
erbgħa u għoxrin siegħa kuljum, għal kull assistenza. Dan barra illi din il-lokalità hija koperta u
tintlaħaq mir-ronda regulari li ssir min membri tal-RIU, permezz tal-vetturi
tagħhom, kif ukoll dawk tad-distrett skont il-ħtiega u disponibilita. Ukoll
huwa previst li jkun introdott is-servizz ta' pulizija tal-komunità. Għal din
il-lokalità fis-sena 2022 kien hemm irrappurtati disgħa u erbgħin rapport, li
minnhom tmienja kienu marbuta ma frodi u sbatax kien marbuta ma' serq.
Seduta 125
23/05/2023
No comments:
Post a Comment