ĦAL GĦAXAQ – GĦASSA TAL-PULIZIJA – DELITTI, SERQ U FRODI RRAPPURTATI

8945. L-ONOR. CARMELO MIFSUD BONNICI  staqsa lill- Ministru għall-Intern, is-Sigurtà, ir-Riformi u l-Ugwaljanza: Jista’ l-Ministru jgħid jekk l-Għassa tal-Pulizija ta’ Ħal Għaxaq infetħietx tul is-sena li għaddiet u fl-ewwel erba’ xhur ta’ din is-sena, kif ukoll kemm ġew rappurtati delitti tul is-sena 2022 u kemm minnhom kienu marbuta ma’ serq u frodi?

 

18/05/2023

 

ONOR. BYRON CAMILLERI:   Ninsab infurmat illi l-għassa tal-Pulizija ta’ Ħal-Għaxaq tinfetaħ meta l-esiġenzi tas-servizz hekk jiddettaw. Madankollu ma’ din l-għassa hemm istallata sistema ta’ intercom, li permezz tagħha l-pubbliku jista jikkomunika mal-Kwartieri Ġenerali tal-Pulizija erbgħa u għoxrin siegħa kuljum, għal kull assistenza.  Dan barra illi din il-lokalità hija koperta u tintlaħaq mir-ronda regulari li ssir min membri tal-RIU, permezz tal-vetturi tagħhom, kif ukoll dawk tad-distrett skont il-ħtieġa u disponibilità. Ukoll huwa previst li jkun introdott is-servizz ta' pulizija tal-komunità. Għal din il-lokalita fis-sena 2022 kien hemm irrapurtati mija u tminn rapport, li minnhom erbgħa u għoxrin kienu marbuta ma frodi u disgħa u għoxrin kien marbuta ma' serq.

 

Seduta  125

23/05/2023